شقيق ياسمين عبد العزيز يكشف حقيقة اتهامات ابنة محمد حلاوة

رد شقيق ياسمين عبد العزيز، الفنان وائل عبد العزيز على ادعاءات ابنة رجل الأعمال محمد حلاوة، التي تدعى ليلى حلاوة، والتي اتهمت فيها ياسمين عبد العزيز بخطف والدها منهم.

 

وكشف شقيق ياسمين عبد العزيز عن عدة صور من عيد ميلاد "سيف" ابن ياسمين وحلاوة، وكتب عليها على فيس بوك: "حق الرد على موضوع الأستاذة المحترمة بنت الناس المحترمين.. يا أستاذة ليلى ده عيد ميلاد سيف ابن اختي وكان بعد طلاق ياسمين بمدة طويلة، بحضور أصحاب كتيرة وشهود على وجودك.. أنا بقى مش عارف هو حضرتك كنتي فرحانة في الصور معانا عشان فرحتنا وبتحبينا زي ما كنتِ طول عمرك بتقولي والا لرجوع والدك اللي احنا خاطفينه منك الصراحة".

 

وتابع: "لو ياسمين بتحاربك طوال الـ١٧ سنة جايا ليه بعد الطلاق تسانديها انتي وجوز حضرتك.. ياريت نراعي العشرة والسنين ونراعي ان الطرفين متجوزين حاليا ونقفل على كده لان انا اللي هرد مش هيا خالص.. هو انا مش فاهم الحقيقة ليه كل الهجوم ده عليها وهيا لحد الان مغلطتش في اي شخص باي شيء.. شيء غريب فعلا.. عموما عفا الله عما سلف".

 

وكانت ابنة حلاوة قد قالت في منشور على انستجرام: "اوعي تدّعي حاجة مش فيكي أنت عمرك ما كنتِ كويسة مع حد.. إنتِ اللي خطفتِ بابانا مننا من 17 سنة، وكانت أمي على ذمته وحاولتي طول الـ17 سنة تقطعي علاقتنا ببابانا وحاربتينا وآذيتينا كتير.. الناس العادية مش عارفة حاجة بس الناس اللي حوالينا عارفين كل حاجة.. ياريت تبطلي أذى بدل ما نعرف الكل".

 

وأضافت: "انتي اللي قاطعانا عن إخواتنا من يوم ما اتولدوا وكفاية اللي عملتيه في شرم الشيخ من شهر معايا قدام الناس كلها.. عيييييييييييب وكفاية وبطلي تظهري بصورة مش حقيقتك".

 

وعرفت الأيام الأخيرة حرب تصريحات بين بوسي شلبي والفنانة ريهام حجاج من جهة، وياسمين عبد العزيز من جهة أخرى، خاصة بعد حلول حجاج ضيفة في برنامج شلبي لتتحدث عن زواجها من محمد حلاوة، الزوج السابق لياسمين عبد العزيز.