المطرب أحمد كامل يطرح أغنيته الجديدة "لعبتك".. اليوم

 طرح المطرب أحمد كامل اليوم، كليب أغنيته الجديدة "لعبتك"، من كلمات مصطفى ناصر، لحن أحمد كامل، توزيع إسلام الأزرق.

وكان قد روج كامل لأغنيته الجيدية من خلال نشر مقطع من الكليب عبر حساباته الرسمية على مواقع التواصل الاجتماعي، وظهر كامل في الأغنية من خلال قصة درامية بين شاب وفتاة وهو يواجهها بخطاياها تجاه قصة حبهما.

وجاءت كلمات الأغنية كالتالي :

ماكنش فـ بالي تخلص لعبتك دلوقت

واشوفني جوه عينك عمري يوم مافرقت

مشيت للخوف برجليا وفكرتك سنين جايه

واتاري فـ عينك كنت انا اللي حبة وقت

انا حبيت وكنتي بجد تتحبي

عشان بالعين ماشوفت ايه اللي متخبي

ياريت قلبي اللي حبك موت اخد باله ان حُبك موت

وانك وانتي جنبي كنتي مش جنبي

ماعنديش نية الومك ع اللي انا حاسه

بلوم قلبي عشان راحلك وساب نفسه

وكان فاكرك هتبقى مكان ينسيه اي جرح زمان

واتاريكي طلعتي الجرح ذات نفسه

فيه كام بكرة ما بينا اتقالوا لو فاكرة اديني بقيت لوحدي لما جه بكرة

غريب قلبي اللي قال انك مفيش قبلك ولا منك نهايته يكون بيتشعبط فـ كام ذكرى

حاجات جوايا قبلك خوفت ابينها قصادك بس عمري ما اتداريت منها

واديني طلعت متعلق بأكتر قشة بتغرق

والجدير بالذكر أن أحمد كامل، استطاع تملك قمة التريند بأغنية "على عيني"  آخر أغانيه الذي طرحها في عام 2021، وأصبح رقم 1 عبر القناة الرسمية على موقع "اليوتيوب"، ووصلت نسبة مشاهدة الأغنية، إلى أكثر من 3 ملايين مشاهدة.