أمير مرتضى: لسنا في حاجة لـ"بن شرقي".. وهذا موقف طارق حامد

أكد أمير مرتضى منصور، المشرف على الكرة بنادي الزمالك، أن قرار عدم التجديد لبعض اللاعبين نهائي ولا رجعة فيه.

قال منصور في تصريحات تليفزيونية، عبر برنامج جمهور التالتة، "قلت لمستر فيريرا قبل ما ييجي إحنا عندنا لاعيبة كويسة بس مبقناش فريق كويس، مش هنضحك على نفسنا".

أما عن عدم التجديد لطارق حامد، فقال، "وضع اسم طارق حامد مع المجموعة؟ عشان منجملش الكلام، اجتمعت معاه الخميس اللي فات في وجود وكيله وقلت له النادي بيقدرك وبيحترمك، وهو قال نفس الكلام، لكن ربطلي إن في عرض سعودي في الصيف والواضح انه اعتذر عن عدم التجديد بـ"شياكة" لأنه لم يرد علينا رغم انتهاء المهلة".

وأضاف، "طارق حامد قال إديني مهلة أصلي استخارة وأرد عليك، والمهلة خلصت ومش هفضل قاعد مستني، ومع احترامي لطارق أنا بمثل الزمالك".

اما عن موقف بن شرقي فقال، "الزمالك ممكن دلوقتي مايكنش في حاجة إلى بن شرقي من الناحية الفنية، ونادي الزمالك لا ينتظر أحدًا ولو عقده كان ساريًا بالشكل دا كان هيخرج إعارة".

وأردف، "مفيش حاجة اسمها لاعب ضحى بفلوس اكتر في السعودية عشان يجدد للزمالك، وجودك في النادي ده شرف وبرغبتك".

وأتم، "محدش يقلق خالص، اللي أنت بتكلمه دلوقتي في 2017 مضى عبد الله السعيد بـ40 مليون جنيه كاش، والفرقة الحالية أنا اللي جايبهم، عندنا إمكانيات مادية وفنية ومفيش لاعب هيتشرط على النادي".