دينا الشربيني: المشوار مسلسل صعب ومهم جدًا
كشفت الممثلة دينا الشريبيني تفاصيل مشاركتها في بطولة مسلسل "المشوار" مع محمد رمضان، في ثالث تعاون بينها وبين المخرج محمد ياسين.
وقالت الشربيني، في تصريحات تلفزيونية: "مسلسل المشوار مهم جدا.. ودي تالت مرة اشتغل مع المخرج محمد ياسين وده مسلسل صعب مش سهل وهي تجربة أتمنى تعجب الناس وأي شغل مع المخرج محمد ياسين بوافق وأنا مغمضة وعملت معاه موجة حارة وأفراح القبة وثاني مرة أشتغل مع محمد رمضان ومبسوطة جدا".
كما تطرقت دينا الشربيني إلى تجربتها في برنامج "نجوم السما" الذي يعرض حاليا، قائلة: "كنت بدعي ربنا يكرمني والسنة دي تعدي على خير ولما عملت "سكاي دايفينج" شوفت مصر بشكل تاني من فوق".
وتابعت: "انبسطت بطريقة غير عادية لما عملت "سكاي دايفينج" وأنا كان عندي خوف من الأماكن المرتفعة ولما عملت سكاي دايفينج كانت تجربة مرعبة بس ممتعة. واتفرجت على الحلقة وكنت بضحك أنا عملته قبل كده في "إسبانيا" لكن لما عملته في مصر كان حاجة تانية وعملته في "سانت كاترين" شفت مصر من فوق بشكل يجنن ويبهر".
وأضافت: "لما بنشوف بلدنا من فوق انبسطت بطريقة مش عادية أكتر من تجربتي في إسبانيا"، كاشفة أنها في وقت سابق كان لديها مشكلة في "المرتفعات" ولكنها قرأت كثيرا كيف تقضي على تلك "الفوبيا" وهي القفز من المرتفعات، قائلة: "لما عملتها كان ده الهدف ولما عملتها كسرت الخوف، وهي تجربة مرعبة بس ممتعة في نفس الوقت"، متابعة: "كان معايا مدربة والمصريين اللي كانوا معانا كانت خبراتهم عالية وفيه فنانين تانين نازلين مع المصريين مش مع نفس البنت في الحلقات الاخرى".