رسالة زيزو لجماهير الزمالك.. هل يكون الوداع؟

أرسل أحمد سيد زيزو لاعب نادي الزمالك رسائل إلى الجماهير واللاعبين ومجلس الإدارة عقب التتويج ببطولة الدوري المصري. 

كتب زيزو عبر حسابه على موقع التواصل الاجتماعي الانستجرام، قائلاً للجماهير: "ألف مبروك لجمهور الزمالك العظيم، ربنا وحده يعلم أنا بحبكو قد إيه، وإحساسي إنكو في ضهري دايمًا، ده أعظم إحساس في الكون، تستحقوا تفرحوا، وتستحقوا تشرفوا اللاعيبة الرجالة دي على منصة التتويج، شكرًا على كل شيء قدمتوه لينا على مدار السنة".

أما الرسالة الثانية كانت للاعبين وقال: "لعيبة نادي الزمالك الرجالة مش ناس كتيرة عارفة كواليس السنة، والظروف اللي مرينا بيها، شكرًا على كل حاجة عملتوها السنة دي، مرينا بظروف مفيش جبال يتحملها، لكن عشان إنتو رجالة قدرنا نمر بكل ده، لازم تكونوا فخورين لأن اللي عملتوه ده إعجاز مش موجود في الدنيا غير عندكو، شكرًا لاعيبة الزمالك الرجالة".

ورسالته الأخيرة كانت لمجلس الإدارة إذ قال: "شكرًا للجهاز الفني ومجلس إدارة نادي الزمالك، على كل المجهود الكبير اللي عملتوه معانا قدرنا نعدي كل حاجة بيكو شكرًا".

وربط البعض أن زيزو ينوي الرحيل ويرسل رسائل وداعية للجميع، بعدما تلقى عدة عروض خارجية، ويحق له الرحيل باستخدام الشرط الجزائي في تعاقده مع الأبيض.