فريدة سيف النصر تستنجد بجمهورها.. ماذا حدث في وجهها؟

كشفت الفنانة فريدة سيف النصر، عبر حسابها الشخصي على موقع التواصل الاجتماعي فيسبوك، عن إصابتها بتورم في وجهها إثر تناولها علاج.

وكتبت فريدة سيف النصر: "ممكن تدعوا لي من قلبكم بجد اول مره ابكي زي الاطفال انا اصلا باتحمل لكن مش قادره..ده مش ماكياج ده وشي بدون سابق انذار صحيت باصوت نص الليل ودي رابع مره يحصل لي حاجه غريبه في وشي واكون باشتغل يعني مش وقته استغفر الله احسن من غيرنا سامحني والنبي اللهم لااعتراض..عامله زي الكوره الكفر عينيه مقفوله وبوءي مدلدل حتي حواجبي وارمه".

وتابعت سيف النصر في تعليقها على الصورة: "انا اديتكم نص الوش علشان حقيقي مش انا رعب والله تغيير سريع سبحان الله والحمدلله مش هزار تحت اسنان سليمه 4 خراريج ازاي مش عارفين عملنا بانوراما كامله والدكتور مستني الالتهاب يروح والورم بحقن الفنتيرن قويه واوجمنتين وبعدين يقرر في ايه؟ هو نفسه بيسأل في إيه؟هو انا اللي هاعرف يادكتور". وأضافت فريدة سيف النصر: "طبعا الفليكتور منيمني علي روحي لأن الالم الحمدلله مايتحملوش الا حد مستسلم لارادة ربنا ويشكره.

المشكله الشغل ومافيش وقت لاحول ولاقوة الابالله..لا زم يصوروا من غيري وانا وافقت هاعمل ايه!..؟؟ قدر الله وماشاء فعل حاضرحبيبي يا ربنا كل اللي تجيبه راضيه والحمدلله هو مابيجيبش حاجه وحشه ابدا قضا اخف من قضا لو هافدي الغاليين كلهم انا جاهزه..ادعوا لي..اسفه عالصوره بس انتم حبايبي وهاتتحملوا".

نذكر أن أخر أعمال فريدة سيف النصر هو مسلسل "حواديت الشانزلزيه" الذي عرض مؤخرا وحقق نجاح جماهيريا، وهو شاركها البطولة إياد نصار، مي سليم، داليا مصطفى، إنجي المقدم، إدوارد، عايدة رياض، أماني كمال، سارة عادل، هاجر الشرنوبي، منة جلال، جينا سليم وتأليف أيمن سليم ونهى سعيد وإخراج مرقس عادل، وتدور أحداثه فى فترة الخمسينيات والحياة الاجتماعية من خلال العديد من الحواديت المتشابكة والمتداخلة مع تناولها بشكل مشوق، والمسلسل ينتمى لنوعية المسلسلات الـ45 حلقة.