لماذا اعتذرت ريهام سعيد لسمية الخشاب؟

اعتذرت الإعلامية ريهام سعيد، للفنانة سمية الخشاب، لتضع حدا لصفحة الخلاف طويلة الأمد بينهما بعد وقوفها في صف ريم البارودي خلال أزمتها مع الخشاب.

وألمحت ريهام سعيدفي البداية إلى خلافها الحالي مع البارودي، وقالت في مقطع فيديو بثته عبر حسابها بموقع إنستجرام: "أنا كنت وعدت ناس محترمة كتير إن أنا مش هتكلم في الموضوع وانتي بتجريني إني أتكلم لأن أنا عارفة طبعا إنه أكل عيشك وعارفة إن رمضان جاي والبرامج جاية وكدا وعايزة تطلعي ويبقى فى قصة وكدا بس أنا مش هبقي كدا أنا أكبر من كدا بكتير أوي وقيمتي أكبر من كدا بكتير أوي".

وأضافت: "أنا فعلا حاسة بالافتراء اللى افترتيه عليا وبعد الكلام اللي بتقوليه عليا اللى مش حقيقي.. فعلا من قلبي لأن أنا واضح جدا إن أنا انضحك عليا.. أنا بعتذر جدا للفنانة سمية الخشاب.. أنا عندي الجرآءة الكافية إني أعتذرلك.. ودا ولا كيد ولا غيظ وحياة ولادي".

وتابعت: "أنا فعلا بعتذر لسمية الخشاب لأن أنا واضح إن وصلي قصة بشكل مختلف.. مش ممكن اللي انتي بتعمليه دا .. مش ممكن يكون دا طبيعي.. مش ممكن تعملي فيا أنا كدا.. أكيد أنا اتخميت جامد أوي.. كفاية إهانة وكفاية غلط وكفاية تشويه وكفاية غل".