عايدة رياض تفجر مفاجأة: أصيبت بالسرطان وكنت بلبس باروكة لإخفاء الخبر

قالت الفنانة عايدة رياض إنها أصيبت بمرض السرطان في المثانة وأخفيت عن الناس إصابتها بهذا المرض، وكان ورما في حجم الزيتونة، والطبيب أجرى لى منظار واستئصلها وبعد التحليل اكتشفت أنه سرطان خبيث .

وأضافت عايدة رياض خلال الجزء الثاني من لقائها مع الإعلامي دكتور عمرو الليثي بيرنامجه واحد من الناس على شاشة الحياة ، وذهبت لدكتور شهير ، أستاذ الأورام في مصر ، وأخويا الكبير سمير هو اللى يعرف، واتعالجت، وبعد أول ثلاث جلسات الدكتور قال لي انتى هتعملى لى عيانه، ونزلت عملت مسلسل مع مي عز الدين والدكتور طلب مني البس باروكه علشان لما الشعر يوقع بعد جلسات الكيماوي، وكنت عاملة دور أخت بوسي في المسلسل وطلبت منها من غير ما حد يعرف إن في ثلاث أيام في الشهر مش هقدر أشتغل فيهم، ومكنتش عاوزه أقول لحد .

وغلبت على الفنانة عايدة رياض دموعها على الهواء أثناء حديثها عن محنة المرض ، مضيفة أن الممرضات كانوا بيقولوا لبعض إني جوه وكانوا يستأذنوني ان زملائهم عاوزين يشاهدوني وكنت أشيل محلول الكيماوي وأطلع أقابلهم .

وأضافت أن الدكتور بعد ما خلصت الجلسات وعملت مسح ذري وطلع سليم الحمد لله ، طلب مني انى أشيل المثانة وأركب مثانة صناعية ، وروحت لكذا دكتور و قالوا لى لو هتعمليها يبقى في فرنسا لأن الست بتبقى أصعب من الراجل ، واستخرت الله وقولت يا رب انتا شفتنى وأنا متوكله عليك ، وقولت للدكتور مش هعملها .