بالفيديو.. سامر أبو طالب يصالح زوجته رنا سماحة بالهدايا بعد خلاف طويل

فاجأ الملحن سامر أبو طالب جمهوره على حسابه بموقع انستجرام للصور بنشر مقطع فيديو يظهر تصالحه مع زوجته المغنية رنا سماحة بعد خلاف طويل كاد يؤدي إلى الانفصال.

وعلق سامر أبو طالب على الفيديو: "أولا الحمد لله ثانيا هقول الكلمتين الجايين دول لـ(أم مالك) مراتي وحبيبتي وأم ابني اللي اكتشفت في الفترة اللي فاتت دي إني مقدرش أعيش من غيرها، ولا حتى بكون مبسوط في أي حاجة حتى أبسط الأشياء، هي لازم تكون فيها معايا، بحبها أوي بجد يمكن كنت أوقات بعند بس اكتشفت إني فعلا مينفعش أكون غير ليها وهي متنفعش تكون غير ليا، آسف لو زعلتك في أي حاجة وربنا يباركلي فيكي ويحفظنا من كل شر ويبعد عنا الحسد والحقد واللي كارهين يشوفونا مرتاحين وهاديين والحمد لله دائما وأبدا. نيجي بقى لـ(برنس قلبي) ابني وقرة عيني حبيبي وصاحبي وأخويا اللي لسه ماشوفتوش (مالك) مش هقولك غير إني بحبك ولما تيجي بالسلامة هقولك حاجات كتير أوي نفسي أقولهالك ومش هتفارق حضني أبدا. بحبك يا رنا وبحبك يا مالك. شكراً للناس اللي كانوا بيكتبولي كلمة حلوة عشان عاوزين يشوفونا تاني مع بعض."

كما أعادت رنا سماحة نشر الفيديو على حسابها، حيث بارك لها الجمهور وتمنوا لها بالسعادة والراحة. 

يُذكر، أن سماحة ظهرت في وسائل الإعلام خلال الفترة الماضية لتؤكد أنها لا تعرف هل ستنفصل رسميا أم سوف تتصالح مع زوجها بعد خلاف حدث بينها اكتشفه الجمهور من خلال ملاحظة حذف صورهما على حساباتهما بمواقع التواصل الاجتماعي.