ريم مصطفى: "طير بينا ياقلبي" هتحسوا إنه حقيقي مش تمثيل

كشفت الممثلة ريم مصطفى تفاصيل مسلسل "طير بينا ياقلبي" والذي يعد أول بطولة مطلقة لها.

وقالت ريم مصطفى في تصريحات تلفزيونية: "المسلسل هو أول بطولة مطلقة في مسيرتي الفنية وأنا حاطة إيدي على قلبي وسامعة ضربات قلبي من الصبح".

وتابعت ريم مصطفى: "إحنا عملنا كل حاجة ممكن تتعمل في المسلسل وهتحسوا أن كل شيء حقيقي مش تمثيل".

وأكملت: "هناك مشاهد كوميدية كنا ماسكين نفسنا من الضحك من كتر الموقف"، موضحة أن المسلسل يندرج تحت نوع الكوميديا الهادئة وهي دراما اجتماعية   محببة للجمهور.

وأضافت مصطفى: "احنا وسط الكوميديا ببناقش حاجات مهمة زي الدراسة وإزاي نختار تعليم كويس أوي من غير بهدلة الأسر في المصاريف زي الدروس الخصوصية وغيرها وأن الاسر ممكن تخلي الأولاد في نفس الوقت يتعلموا الذوق والاتيكيت والرياضة ودي حاجات مهمة".

وأشارت ريم مصطفى إلى أن دورها يشبه إلى حد كبير شخصيتها في الحقيقة وهي تتعامل مع أبنائها قائلة : غزاي الأم  بتبقى فترة دراسة أولادها  بتبقى فترة قاسية وبنبقى محتاجين دور المدرسة مع الأسرة".