تامر حسني يحسم جدل انفصاله عن بسمة بوسيل

حسم المطرب تامر حسني، الشائعات التي تلاحقه وزوجته مصممة الأزياء المغربية بسمة بوسيل، بشأن انفصالهما.

وحرص تامر حسني، على توجيه رسالة تهنئة خاصة إلى زوجته بسمة بوسيل، بمناسبة افتتاحها شركتها الخاصة، ونشر صورة له معها على حسابه بانستجرام، وكشف عن مشروعها التجاري الجديد، ووجه إليها رسالة داعمة، وكذلك هنأها على خطوتها الجديدة.

وقال تامر حسني في رسالته إلى زوجته: "مليون مبروك حبيبتي على انتهاء المرحلة الأخيرة لمشروعك القادم، لما شفت النتيجة النهاردة وإزاي فكرتي وتعبتي في كل تفصيلة في المشروع.. وسفر ومشاوير واهتمام من جودة المنتجات وتغليفها وتجهيزها..".

وأضاف المطرب الملقب بنجم الجيل: "بجد فرحت بيكي أوي إنتي وكل أصدقاء المشروع وشفت قد إيه نفسكوا تعملوا حاجة مهمة، ربنا يكرمك إنتي وهما وإن شاء الله هتشوفي نجاح كبير على قد مجهودك الكبير وطلوعك السلم خطوة بخطوة، وزي ما بقولك دايما السيول أولها نقطة، يعني أول خطوة هتجيب وراها خطوات كتير..".

ومن جانبها، ردت بسمة بوسيل على الرد على تامر حسني، قائلة: "حبيبي كل ده حصل بنصايحك ليا، وفعلا أنا اللي كنت طايرة من الفرحة عشان شفتك فرحان بجد، لأنك مثلي الأعلى في النجاح بشكل عام".