السيسي: نلتزم بتنفيذ توصيات المؤتمر وإقامته سنويًا

عبر الرئيس عبدالفتاح السيسي، رئيس الجمهورية، عن سعادته بالحوار والنقاش الذي تم في فعاليات المؤتمر الاقتصادي مصر 2022 خلال الثلاثة أيام، قائلاً: لما إحنا اتكلمنا على اطلاق الحوار في إبريل الماضي لما قلنا محتاجين نتكلم ونسمع بعض، كتير من الناس تصور أن الموضوع سياسة ولا بأس إنها تبقي سياسة يعني، لكن الهدف منها فعلا نسمع بعض والظروف والتحديات في العالم وبلدنا نسمع بعض حتي مع الاختلاف".

وأضاف: "في بداية المؤتمر قلت كلام فالناس قالولي تقصد ايه انت احنا بنتكلم في المؤتمر الاقتصادي وانت اتكلمت في موضوعات أخري.. "أنا شايف إنها موضوعات متصلة لما اتكلمت على البيئة السياسية كنت اقصد بيها نعمل ما نتمني".

واستكمل الرئيس قائلاً :" أوعي حد يزعل من اللي هقوله، كل المقترحات اللي اتقالت أنا اسف إني أقوله ليكم أي طالب في كلية سياسة واقتصاد يتكلم فيها، انما ازاي تعملوها أنا كلامي هيبقي كده في البداية".

وتابع: "كل الكلام اللي اتقال احنا ملتزمين نعمله، لاننا معملناش الحوار ده عشان نستهلك وقت وجهدنا وجهدكم ، الفاعليات اللي اتعملت والكلام اللي اتقال ملتزمين كحكومة ننفذه".

وأكد السيسي: "لا بد أن يكون للمؤتمر آليات مستقرة مؤسسية تستطيع أن تكون موجودة مع الحكومة بشكل مستمر، عشان واحنا متحركين في تنفيذ التوصيات دي قابلتنا مشكلة، ملتزمين بعمل كل التوصيات التي تم الاتفاق عليها".

وشدد الرئيس السيسي على أنه متفق مع طلب المشاركين على إقامة المؤتمر كل عام، واصفَا إياه: "ده كلام مهم جدا، وافتكروا من 5 سنين كنا حريصين على عمل منصة حوار وكنا بنقول مؤتمر الشباب هيتم تناول فيه قضايا الدولة بمختلف قطاعاتها".