رد مفاجئ من ياسمين عز على هجوم مايان السيد

قررت الإعلامية ياسمين عز، الرد على الانتقادات التي وجهتها لها الممثلة الشاب مايان السيد عليها على هامش العرض الخاص لفيلمها "هاشتاج جوزني".

وقالت ياسمين في ردها على مايان السيد: "في مثل أنا بعمل بيه، وهو من دق الباب لقي الجواب، يعني اللي يخبط على حد هيلاقي رد، من وجهة نظري الرد 3 أنواع، رد بالتجاهل، ورد بقلة الأدب، ورد بالأدب".

ومضت عز، تقول: "أنا هختار الرد بالأدب، لأني مبحبش قلة الأدب مع إن مفيش أسهل من قلة الأدب، ولأني اللي بقوله وبطبقه على غيري لازم أطبقه على نفسي أولا".

وأكملت ياسمين عز: "لما تكوني لسه مبتدأة في بداية حياتك المهنية، ولسه بيكتبوا اسمك بالقلم الرصاص، حاولي متخوضيش معارك مجانية، متخلقيش لنفسك أعداء بدون داعي وببلاش، مش ذنبي إن الصحفي ملقاش عندك تاريخ أو حاجة مهمة يسألك عنها فسألك عني، بدل ما تكلمي عني، كنت طلبتي بكل احترام وتهذيب إن الناس تسألك عنك إنتي وعن شغلك إنتي".

وتابعت عز: "أنت بنت ظريفة، حاولي إنك تشتغلي على نفسك أكتر وتعملي أدوار مهمة وتصنعي تاريخ مهم تخلي الصحافة المرة الجاية تسألك عنك مش عني أنا، إحنا مش ملزمين إننا نحب بعض بس مجبورين نحترم بعض، احمدي ربنا إنه وقعك فيا المرة دي، أنا نادرًا لما برد، مرة تانية ممكن تقعي مع حد تاني يستلمك ليل نهار مش هتخلصي منه، وتأكدي إن الإنسان لازم يشتغل بجد عشان يكون مهم، ولما يكون مهم هيسألوه عن نفسه هو مش ناس تانيين".

وكانت مايان السيد قد قالت في ردها على أحد الأسئلة التي تتعلق بالإعلامية ياسمين عزن على هامش العرض الخاص لفيلم "هاشتاج جوزني": "لا تعليق.. مش هساعدها تشتهر".