الشرنوبي: مبسوط بـ"إيجار قديم" وعاملين حاجة لذيذة

أبدى الممثل محمد الشرنوبي بالغ سعادته بتفاعل الجمهور مع مسلسله الجديد "إيجار قديم" المعروض حاليا.

وقال محمد الشرنوبي: "أنا مبسوط جدا برد الفعل حقيقة ومبسوط بالمسلسل وفرحان بيه وحاسس إن احنا عاملين حاجة لذيذة أوي والناس مبسوطين بيها جدا على مستوى الشارع وعلى مستوى السوشيال ميديا".

وحول شخصية "طارق" التي يجسدها في المسلسل، قال الشرنوبي: "طارق مضغوط من حبيبته ووالده وشايف من وجهة نظره ان كل الناس ضغطاه بس زي أي شاب مش شايف أد ايه أبوه خايف عليه، بنبقى فاكرين ان كل الناس جاية علينا لكن مش فاهمين ان الناس دي بتعمل كدا عشان خاطرنا وبيحبونا ومفيش حد ممكن يحبنا أكتر من أهلنا".

ويشارك في بطولة مسلسل "إيجار قديم" بجانب الشرنوبي، كل من شريف منير، صلاح عبد الله، فيدرا، ميمي جمال، هشام إسماعيل، حازم سمير، حنان سليمان، بسمة داود، ولأول مره في الدراما إلهام وجدي.

المسلسل من تأليف عمرو الدالي، وإخراج طارق رفعت، وإنتاج كريم أبو ذكري بمشاركة المتحدة للخدمات الإعلامية، ويعرض حصريا على شاشة قنوات ON وON drama، كما يعرض على منصة watch it، وقد تصدر مسلسل "إيجار قديم" قائمة الأكثر مشاهدة للأسبوع الثاني على التوالي على منصة watch it.