إيناس عز الدين تعيش الرعب في بيتها القديم
فاجأت المطربة إيناس عز الدين متابعيها بالكشف عن تفاصيل مرعبة عاشتها في بيتها السابق حيث روت تفاصيل مروعة مرّت بها وتعرضت لها خلال تواجدها في ذلك المنزل قبل مغادرته لسكن آخر.
وقالت نجمة برنامج أراب آيدول، في منشور لها: "مش عارفة، مش مصدقة، وحاسة إني بحلم، بس ده حصل بجد، أنا نقلت السكن وخرجت أخيرًا من الشقة المشؤومة على خير".
وأضافت: "مش قادرة أحكي آخر شهر حصلي إيه فيها من ساعة ما أجرت الشقة الجديدة وقررت إني أنقل، وكأن اللي في الشقة قرروا يوروني أنا وأحمد الوش الوحش".
وأكملت عز الدين: "حرفياً اللي حصل عايز مجلدات و حلقات علشان يتحكي فيها من صعوبته خرجت منها أنا و جوزي و كلبتي الجريفون الصغونة و جزء من قطتي بعد ما جزء منهم مات بطرق بشعة و مخيفة و مرعبة اللي صحينا لقيناها متجمدة ومتلجة كأنها كانت محطوطة في فريزر على وضع نومتها زي ما هي و التانية رجعنا من بره لقينا ديلها فقط مرمي على جنب والدم مغرق الشقة ومالقيناش باقي جسمها ولا حتى عضم ولا أي أثر".
وحول القطة الثالثة، قالت: "والتالتة كنت بلاعبها و شايلاها سيبتها و دخلت الحمام دقيقتين و طلعت لقيتها غرقانة في طبق المية بتاعهم إزاي ما أعرفش و كأنها متغرقة من مدة و قربت تتحلل رغم انها من دقيقتين كانت في حضني ده غير شرز النار اللي كان بيطلع من فيش الكهرباء ولا إزاز العفش و المرايات كلها والنيش اللي إتكسروا إتدشدشوا و صوت الست اللي ليل نهار تصوت في الشقة".
واختتمت إيناس حديثها، قائلة: طوالله العظيم انا وأحمد عشنا شهر رعب يعني السنة و شهرين اللي قعدناهم في الشقة دي بكل اللي شوفناه فيها في كفة و اللي شوفناه آخر شهر في كفة تانية و ختمت بالمليون إن العتب أقدام و إن فيه ما ورائيات كتير طول عمري بستهزأ بالكلام ده لحد ما شوفته و عيشته بنفسي".