الرئيس السيسي: "بسمع ناس كتير تقول بتعملوا شبكة طرق وكباري كتير ليه؟.. ما تدونا ناكل"

تطرق الرئيس عبدالفتاح السيسي، خلال افتتاح مدينة المنصورة الجديدة، إلى التساؤلات الدائمة عن مشاريع الطرق والكباري، قائلا: "بسمع ناس كتير تقول بتعملوا شبكة طرق وكباري كتير ليه؟، ما تدونا ناكل.. ما أنا لو معملتش دا هظلم الجيل دا والجيل الجاي، لو معملتش مشاريع وخطط المستقبل دي بنضيع البلد وبنضيع الناس.. الجهد اللي بنعمله دا جهد مخلص وأمين ومبدع بمنتهى القوة اللي ربنا بيعينا بيها بنعمل.. صدقوني إحنا في خير ونعمة الحمد لله".

واستكمل خلاله كلمته في افتتاح مدينة المنصورة الجديدة اليوم: "شخص ما كلمني إن نخف الأعمال بتاعتنا شوية، قولتلهم حجم الشركات العاملة في الدولة المصرية في مشروعات محددة للدولة مش أقل من 5 آلاف شركة، يعني 5 ملايين أسرة.. طب لو قفلت وقللت المشاريع، ملايين الأسر دول أنا أوصلهم إزاي، كدولة أوصلهم أديهم يعيشوا بتكافل وكرامة ولا يشتغلوا ويبنوا البلد وأديهم يقبضوا؟ يشتغلوا طبعا".

يُذكر أن الرئيس عبدالفتاح السيسي افتتح، صباح اليوم الخميس، مدينة المنصورة الجديدة وجامعة المنصورة الجديدة ويتفقد قرية الحصص بمركز شربين إحدى قرى مبادرة "حياة كريمة". 

تجدر الإشارة إلى أن مدينة المنصورة الجديدة تتوسط محافظات الدقهلية وكفر الشيخ ودمياط، وتأتي في إطار مجموعة المدن الذكية الجديدة التي شرعت الدولة في تشييدها على امتداد رقعة الجمهورية، وتعتبر أحد شرايين التنمية في ساحل مصر الشمالي، حيث تحتوي على جميع المرافق والخدمات من مناطق حكومية وأسواق، ودور عبادة، ومناطق ثقافية وترفيهية، ومناطق خاصة بالمطاعم، وحدائق مركزية بإطلالة على ساحلية على البحر المتوسط بطول ١٥ كيلومترًا.