التهامي: لم أقصد الإساءة إلى تامر حسني

أصدر الممثل أحمد التهامي بيانا توضيحيا يعتذر فيه للفنان تامر حسني بعد انتقاده لفكرة فيلمه الجديد "تاج".

وقال التهامي في مستهل بيانه: "أحب أوضح سوء التفاهم اللي حصل بخصوص البوست بتاعي اللي كتبته بخصوص فيلم (تاج) اللي أتفهم غلط لإن أي حاجة كتبتها علي صفحتي لازم برده أوضح وأرد علي صفحتي".

وتابع التهامي: "أنا لم أقصد أن أوجه أي إسأة أو هجوما علي النجم تامر حسني أو علي أسرة فيلم تاج ولا للشركة المنتجة بالدليل أنا قولت تامر أخويا وحبيبي ولكن كل ما بدر مني إني قولت إن فكرتي ممكن تكون تداولة في الوسط الفني دون معرفة أي طرف انها تخصني وإن تامر وصناع الفيلم لم يكن لديهم علم بأي حاجة عن فكرتي".

ومضى التهامي، قائلا: "وهذا ما أوضحه أمام الجميع أنا كنت عاوز أقول إن كان ليا السبق في تقديم نفس فكرة التوأم الخارق لشركات إنتاج أخري ولم تنفذ.. ولكن تامر مبدع و شاطر وممكن تتشابه الأفكار ولكن التناول والطرح مختلف وأنا من محبين تامر جدا علي المستوي الشخصي والفني والإنساني لإنه ناجح وإنسان محترم".

ويضيف التهامي: "وشكرا للشركة المنتجة وبالأخص الأستاذ أحمد بدوي علي أهتمامه وتواصله معايا وأنا أوضحتله كلامي وهو أكدلي إن مافيش وجه شبه بين قصتي (خلف×خلاف) وقصة فيلم (تاج) لا في التناول ولا الطرح وإن فيلم تاج مختلف تماما حتي في الشكل الدرامي للتوأم الخارق ..وكل التوفيق لأسرة فيلم تاج وأنا لا أملك غير كل حب وأخوه وأحترام لأسرة فيلم تاج كاملا.. مع خالص أعتزاري عن سوء الفهم للفنان تامر حسني وجمهوره".

وكان أحمد التهامي قد قال قبل أيام إنه صاحب فكرة تقديم عمل سينمائي يتحدث عن فكرة الأبطال الخارقين، وإنه فوجئ بطرح فكرة فيلمه والتي يقدمها الفنان تامر حسني بفيلم "تاج".

وقال التهامي في منشور عبر حسابه الرسمي بموقع فيس بوك: "أنا سكت كتير عن حقي عشان ما زعلش حد مني، اتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني، وقولت كل شيء نصيب والحمدلله على حب الناس".

وتابع: "الدنيا مستورة والحمدلله.. إنما توصل إن مشروعي.. مشروع عمري اللي أنا تعبت فيه في كتابته ولفيت بيه على معظم شركات الإنتاج ولسه عندي يقين وإيمان بالله إن هيجي يوم وأعمله يتسرق مني، ويعمله حد تاني بغض النظر ده فيلمي ومشروعي، وأنا أول واحد من 10 سنين فكرت في فكرة البطل الخارق".

واستكمل: "وطول الفتره دي كان يتسرق أجزاء من الفيلم وقول عادي.. إنما (التوأم الخارق) ده بتاعي ومسجله في المصنفات والشهر العقاري.. تامر حسني صاحبي وأخويا وأكيد ما يعرفش المعلومة دي أرجو الرسالة توصله لأن أكيد في ناس كتير مؤذية وحسبي الله ونعم الوكيل، أنا حاولت أوصل ل تامر حسني ومعرفتش".