رضوى الشربيني: هذه مواصفات زوجي والحياة اختلفت بعد أمي.. صور وفيديو

أشارت الإعلامية رضوى الشربيني، خلال استضافتها في برنامج "أنا والقناع" الذي تقدمه الإعلامية منى عبد الوهاب إلى أنها ليست عدوة الرجال، ولكنها عدوة أشباه الرجال المنتشرين في المجتمع قائلة "أنا جيت في الدنيا بسبب راجل وهو أبويا وسندي في الدنيا راجل هو أخويا، وطليقي راجل محترم، وبالتالي أنا مش عدوة الرجالة، أنا عدوة أشباه الرجال، ولست عدوة للراجل، اللى بيضرب مراته مينفعش يتقال عليه راجل، واللي بيشغل مراته بالسُخرة، وهو قاعد في بيته مش راجل، واللي بيعشم دي ودي بالجواز وما يوفيش مش راجل".

وأكدت أنها صادفت الحب الحقيقي بعد انفصالها، مشيرة إلى أنها قصة وانتهت قائلة "قابلت الحب الحقيقي بعد الانفصال ومكنش تعويض عاطفي، وإنما قصة حب حقيقية، ولكنها إنتهت وانا مبحبش اتكلم عن القصص اللي انتهت بسبب إننا اتفقنا إننا لا نتفق".

أما عّن مواصفات الزوج الذي تتمناه قائلة "لازم يكون راجل قادر والقدرة هنا بمعنى أنه يكون قادر على العفو عند المقدرة عشان مبيصش على أخطائي ولا صغائر الأمور اللي انا بعملها وهيكبر دماغه ومش هيتلككلي ومش هيبص على عيوبي، ولازم يكون قوي ويشاركني كل أموري ويكون سند وقوته دي تكون معايا مش عليا ولما يقرر انه مش عاوز رضوى الشربيني مبعملش أي حاجة غير انه هيجبني ويقولي في وشي انا اسف من قادر أكمل".

وأكلمت وصفها قائلة "لازم يكون ناجح مقدرش اتجوز راجل مش ناجح ولا انا اكون أنجح منه، ويكون عنده طموح ويتقي ربنا في البني ادمين ومكونش أنا اولهم لكن مامته وباباه، ولازم يكون بيحبني قوي وبيهتم بيا قوي ويعرف يتعامل معايا لأن أنا صعبة، ويكون حنين وطيب ودمه خفيف عشان مقدرش اتجوز راجل دمه تقيل ابداً، ويكون شيك وخفيف في نفسه".

كما قالت الشربيني "الحياة بعد وفاة امي اختلفت كتير وبقيت بعيط قوي، والناس واخده عني صورة المرأة الحديدية اللي من غير مشاعر ولا شعور وده عكس شخصيتي"، وأَضافت إنها لم تشعر بالوجع عندما امسكت ورقة طلاقها بيدها مؤكده أن رصيدها في بنوك الوجع أكثر بكثير من قسيمة الطلاق، حيث قالت عن تجربتها "اكتشفت نفسي ولقيت اني انسان مش قابل يعيش العيشة دي، ورصيدي في بنوك الوجع اكثر بكثير من قسيمة طلاق، ومقدرش اعد الاوجاع دي".

وأضافت "قسيمة الطلاق مش وجع انما اللي بتمري بيه في طريقك عشان يوصلك للطلاق هو اللي بيكون وجع، والقسيمة دي بتبقى النتيجة، وانا متوجعتش لما مسكت قسيمة طلاقي في ايدي، ومش في كل الاوقات كلمة انتي طالق بتوجع، خصوصاً إذا كان عندك قناعة إن الكلمة دي هي دوامي مش وجعك". 

https://www.facebook.com/watch/?v=590261553050215 https://www.facebook.com/watch/?v=590261553050215 https://www.facebook.com/watch/?v=947111566481390 https://www.facebook.com/watch/?v=1410865743014969