عارفة عبد الرسول: "اللعبة" الأقرب لقلبي والمشاركة في "الأجهر وبابا المجال" أرهقتني

قالت الفنانة عارفة عبد الرسول إن دور الصعيدية هو اللى تعبها جدا، في اللغة، وكمان شخصية المعددة لأنهم قليلين جدا وجابولي لي معددة تعلمني عندها ٩٠ سنة.  

وأضافت خلال لقائها مع الإعلامي دكتور عمرو الليثي ببرنامجه واحد من الناس  على شاشة الحياة ، وفكرة إنى أعمل عملين في وقت واحد صعبة جدا بالنسبة لي ، في مسلسلين "الأجهر " ، و" بابا المجال " في أي وقت واحد ، وكنت اخلص الفجر من بابا المجال واطلع على المطار أسافر أعمل مسلسل الأجهر وأرجع آخر النهار على بابا المجال .

وتابعت عارفه إنها بتحب كوميديا الموقف أكثر ، وأنا مش بزود كتير فى أدواري ، ولما بشتغل مع الشباب الكوميدى زي اس اس وويزو مش بعرف اجاريهم فى الارتجال وبيبقى نفسي اندمج معاهم .

وعن مسلسل " موجه حارة " أشارت إلى أن دورها ٦ حلقات وعن أقرب الأعمال إلى قلبي أجابت لا تطفى الشمس والميزان واللعبة  .

وأوضحت أن دورها في فيلم "عيار ناري " من الأدوار المهمة، من إخراج الاستاذ كريم الشناوي وقدمني كبطلة .

وأضافت لم أخف من تجربة الإعلان وجت بالصدفة برضوا واتفقت معهم وأارسلوا لي الأغاني وانا مش في دماغي ، وفوجئت بيقولى لي تعالي علشان تسجلي الأغاني بصوتك ، فروحت وعجبهم ، وجابو لي مدربة رقص علمتني رقصة الإعلان راب .

وأنا مش بحب العكننة ، ولازم أضحك زوجي ، وكان مل ما ينكد عليا أقول الصبر من عندك يا رب واسكت لحد ما يهدأ خالص ، وأنا حما طيبه جدا ، مرات ابنى وجوز بنتى بيحبونى ، وأنا دايما اقول لمرات ابنى انتى زي بنتى .

وأشارت عارفة أن لسانها بيسبق عقلها ، و لا أرد على الناس اللى بتوجه لى إهانات على السوشيال ميديا ، ومش لازم يكون للفن رسالة ، ودي مش وظيفة الفن ، الفن بيفتح ويطلق آفاق للخيال .

وأنا مش بخاف خالص من أي حاجة ، ووعندي فوبيا من الثعابين ، لأن في مرة الأولاد كانوا بيصرخون من ثعبان في الشارع وأنا روحت قتلته لخد ما جه حد من الشيوخ اللى بيطلعوا الثعابين دول وقال لي أمه مش عتسيبك لحد ما تقرصك وده عملي فوبيا .

وأنا عاوزة أعمل أدوار غير تقليدية ، يعني دور أم غير اللي بتشوفها في الدراما ، أدوار أم شريرة.