رضوى الشربينى تكشف الوصايا العشر لفشل العلاقات العاطفية

تحدثت الإعلامية رضوى الشربينى، خلال حلقتها من برنامجها "هي وبس"، عبر قناة cbc سفرة، عن أسباب فشل العلاقات العاطفية والتي يكون أغلبها رد فعل عكسي لما تقوم به الفتيات وتبذله من مجهود لإنجاح العلاقة ولكنها تتفاجأ بابتعاد حبيبها عنها. 

وأضافت ساخرة: "لو عايز لبن العصفور اشتريهوله وهو قاعد ملك ميتحركش من مكانه يقوم هو يحبك ويقع في غرامك ويحس انك مقطعة نفسك علشانه، ولازم تحسسيه انك مش هتقدري تعيشي من غيره وإن النفس اللى انتى بتتنفسيه دي مرتبط بيه وانك هتموتي من بعده وهتقطعي شرايينك وتنتحري". 

واستكملت قائلة: "خليه يحس قد ايه انتى متمسكة بيه وان ولاءك ليه يقوم يحبك ويقع في غرامك ويتجوزك، وابقى قابلينى وقولى عليا مبفهمش لو عملتى الكلام ده وقعد معاكى شهرين على بعض".

واستنكرت قائلة: "ازاى اصلا اشوف وافكر ازاى الراحل اللى فى حياتى يحبنى إن شاء الله ما عنه حبني، اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى، ولازم يعرف أنه هيحب الباكدج على بعضه وساعتها هيتشال فوق الراس، لو مش هتحبنى كده فى بلايين من الرجالة على كوكب الأرض غيرك يحبونى وهعرف احبهم".

واختتمت قائلة: "مستحيل افكر ازاى ارضى راجل هأأأوو، اللى يحبك يبقى زى ما انتى ياما بوسة كبيرة لبابا ولماما وطنط واحنا مش عايزينه، واى بنت بتعمل العشر حاجات اللى قولت عليهم يبقى تأكدى أنه ماشى ومش هيكمل معاكى".