أحمد عزمي: لجأت لأفلام مقاولات عشان أقدر أصرف على بيتي

قال الفنان أحمد عزمي إنه مر بمرحلة صعبة وقاسية في حياته وهي مرحلة الإدمان وكشف عزمي أسرار تلك الفترة من حياته ، حيث إنه بدأ الإدمان بالكحول حتى أهرب من واقع أنا عايشه بعد حادثة مقتل حمدي أخويا ، وكان جوايا غضب شديد .

و أضاف عزمي خلال لقائه مع الإعلامي دكتور عمرو الليثى بيرنامجه واحد من الناس على شاشة الحياة ، واشتريت شقة في شرم الشيخ واتعرفت على ناس أخدتني إلى طريق الإدمان .

وعن مقتل أخيه أجاب أنه تعرض لحادث سرقة وحاول الدفاع عن نفسه وماله ولكنه قتل مطعونا بـ ١٣ طعنة .

وتابع عزمي كنت بصور فيلم "الشوق " مع الأستاذ خالد الحجر في إسكندرية وكنت عمرى ما أشرب أثناء التصوير ، وشربت وأنا بصور ، وفقدت أعصابي وأنا بصور ، وأنا والدى من عمال المهنة وكنت دايما بحافظ على صورته في الوسط الفني.

وعن أقرب الأصدقاء له أجاب باسم سمرة من أقرب الناس لي ، وشك في وقت إني مدمن كوكايين وجالي هو وأخوه البيت وخطفونى ، وحبسني في البيت عنده ٤ أيام ، وعلشان يتاكد أنى مش مدمن كوكايين ، وقولت ليه أنا مدمن كحول فقط .

أنا كنت محتاج صدمة إلهية علشان أرجع عن الطريق اللى أنا ماشي فيه وكان الحبس هو البداية أنى أفوق تاني ، كنت مسميها قرصة ودن .

وتابع إن زوجته طلبت الخلع بعد حبسه ، ومضيت على خطاب المحكمة وأنا بضحك ، وأنا كنت خارج على السيطرة وهي كانت خايفه على آدم ابني مني، وأنا كنت مدمن كحول .

وزوجتي قطعت كل وسائل التواصل بينا بعد الحبس واللى كان بيحضر الجلسات  والدي ، وانهارده أنا بقول اللي هي عملته كان الصح وهي حمت آدم مني ، أنا فكرت في الانتحار وأقدمت عليه ، وحاولت أقطع شرايين إيدى وده حرام  ، وكنت يائس جدا وقت الطلاق ، حتى الدكتور قال لي انت مفتري قاطع ايديك الاثنين.