زوج فاطمة عيد يكشف كيف تسببت "حسنين ومحمدين" في نقله للصعيد

قالت الفنانة فاطمة عيد إن اسمها الحقيقى فاطمة صالح، والمنتج هو من اختار لى فاطمة عيد، وانا كنت بغنى من سن ٥ سنوات.

وأضافت فاطمة خلال لقائها مع الإعلامى دكتور عمرو الليثى بيرنامجه واحد من الناس على شاشة الحياة وكانوا بيجيبوا لى كرسي فى الأفراح وأغنى عليه، وانا مثلى الاعلى فى الغناء الشعبى الفنان محمد طه، وأنا كملت ودرست فى معهد الموسيقى العربية، وأول حفلة لى كان فى مسرح الازبكية وكسرت الدنيا.

وتابع زوجها اللواء الفنان شفيق الشايب أنه كان بيحب التمثيل من الصغر، وكان بيمثل فى السر وهو ظابط صغير، إلا أن اتقفشت فى اغنية حسنين ومحمدين لتنظيم النسل،  كنت بحطب ولابس شنب، واتذاعت على التليفزيون والمخرج كان صديقى جمال الهوارى وكنت رايح معاه التصوير عادى والممثل اللى هيعمل دور حسنين لم يأت، وقالى هتعمل الدور وهغير ملامحك محدش هيعرفك، لكن وزارة الداخلية شافت الاغنية واتعرفت ونقلونى الصعيد، وانا ساعتها قولت خلاص انى هستقيل، إلى أن صديق لى تدخل عند اللواء النبوى اسماعيل وزير الداخلية وأقنعه انى كنت بمثل فى حملة لتنوير المجتمع بضرورة تنظيم النسل، وفعلا رجعنى القاهرة تانى، و قالوا لى اوعى تمثل تانى فى أى عمل.