يسري نصر الله: ازاي أفلام عالمية عاوزة تتصور في مصر تروح المغرب والأردن؟!

قال المخرج يسري نصرالله إن أهم الصعوبات التي تواجه تصوير الأفلام وإنتاجها ليست في الرقابة الفنية الإدارية ولكن في التصوير في الشارع وصعوبات الحصول على التراخيص.  

تابع في لقائه ببرنامج "كلمة أخيرة" الذي تقدمه الإعلامية لميس الحديدي على شاشة ON : مش معقول أفلام عالمية بتبقى محتاجه تصور وماتلاقيش مكان وتروح تصور بره في دول محيطة هناك قوى طاردة للتصوير في مصر وهو شيء غير منطقي أن الافلام العالمية تتصور في الأردن والمغرب.

وواصل: فيه بيروقراطية رهيبة تتحول لقدرة كبيرة في تطفيش الناس ولنا أن نتخيل حجم العائد اللي بيضيع على مصر.

أكمل: شيء محزن لما أشوف حد زي محمد دياب بيصور مشاهد القاهرة في مسلسل Moon Knight في المجر؟!!"

 استطرد : شيء غير صحيح ويحتاج لتصحيح الموضوع مش قاصر على الاجانب بس إحنا كمان معاهم وكأن هناك ثقافة يحاول البعض يرسخها في أذهان الشارع أن الجماعة بتوع السيما عاوزين يشوهوا الناس.

مردفاً: شيء بقى مرهق ومزعج لما بنزل أصور  شارع كأني بشحت وأنا باخد تصريح التصوير من موظف أو الشارع شيء صعب وهو جو غير صحي.