كواليس مشاركة ميمي جمال في "مدرسة المشاغبين" بدلا من سهير البابلي

كشف الشاعر الغنائي والسيناريست أيمن بهجت قمر عن صور من كواليس من تمثيل الفنانة ميمي جمال للدور الذي قدمته الفنانة سهير البابلي في مسرحية "مدرسة المشاغبين".

وقال أيمن بهجت قمر في منشور عبر حسابه بموقع فيسبوك: "اتفرجت على الفنانة الكبيرة حبيبتي ميمي جمال وهي بتحكي انها مثلت دور سهير البابلي في مدرسة المشاغبين لمدة خمستاشر يوم طبعا دي معلومة محدش يعرفها ولا شافها عشان كده انا ههديها هديه اكيد هتفرحها .. صور من الكام يوم دول لقينهم عندي في مجلة قديمة".

وكانت ميمي جمال قد قالت إنها قدمت دور الفنانة سهير البابلي في مسرحية "مدرسة المشاغبين" لمدة 15 يومًا، بسبب ظروف صحية طارئة تعرضت لها.

وأوضحت ميمي أن البابلي مرضت في ذلك الحين، وطلب الأطباء خضوعها لعملية في باريس على الفور، وتابعت: "سهير تعبت وكانت عينيها بتورم وتدمع وقالوا لازم تسافر فرنسا عشان تعمل العملية فقالوا نقفل لحد ما هي تروح وترجع بس سمير خفاجة قالهم لا.. حد يعمل دورها واختارني".

وتابعت ميمي جمال: "حسن مصطفى قالي اوعي تعملي الدور، قلت له ليه، قالي عارفه الكوميديانات الموجودين قدامك كلهم دول لو ضيعتي ايفيه لواحد فيهم هتبقي مشكلة".

وأضافت: "قالي لو عملتي حاجة غلط هيقولوا شوفت مراتك!! فاحتراما لنفسي وليكي بلاش.. بس برضو عملت بروفات واشتغلت الدور ومغطلتش وعدوا بسلام.. وسهير جات في آخر يوم قعدت في الصالة اتفرجت عليا واتبسطت جدا".