عاجل.. القاتل يروي في نص التحقيقات تفاصيل قتله لـ"إيهاب أشرف"
تواصل “بوابة روزاليوسف”نشر اعترافات مدرس الفيزياء، قاتل الطالب إيهاب أشرف في محافظة الدقهلية.
س: ما هو مضمون الحوار الذي دار بينك وبين المجني عليه/ إيهاب أشرف عبد العزيز قبل ارتكابك للواقعة؟
ج: أنا فهمته إن أنا عرفت خدعة مونتاج من اللي بتستخدم في أفلام السينما والمسلسلات واديته مثال وقولتله إن أنا ممكن أحط السكينة على رقبته بظهرها وأصور اللقطة دي بمقطع فيديو وأحطه على اللاب واستخدم برنامج في خدع المونتاج ويظهر الفيديو بعدها وكأنه واحد مدبوح حقيقي وبينزل منه دم وهو وافق على طول.
س: وهل كنت تعتقد أن المجني عليه/ إيهاب أشرف عبد العزيز عبد الوهاب سيجيب بالموافقة على طلبك؟
ح: أيوة لأن أنا عارف إيهاب من فترة وبينا هزار مع بعض وبنلعب بلايستيشن مع بعض.
س: وما هي كيفية ارتكابك للواقعة تحديدا؟
ح: أنا بعد ما اقنعت إيهاب إن أنا ممكن أحط السكينة على رقبته علشان نعمل فيديو فيه خدعة مونتاح هو سابلي نفسه وقالي خلي السكينة بظهرها لأحسن تعورني وساعتها أنا مسكت بوقه بايدي اليمين وجيبت رأسه على الجنب وخبطته خبطة جامدة في رقبته تعتبر إن نصف السكينة دخلت في رقبته وساعتها هو جسمه ساب وشوية وحاول يسترجع قوته ويعافر وبعد كده إيديه راحت سايبة وأنا ماسكه وبعدها لقيته بدأ يثبت ويقاوم أكتر فضربته ببوز السكينة في بطنه من الناحية الشمال جنب السرة فهو إيده اليمين اتعورت وأنا بخبطه بالسكينة وبعدها وقع على الأرض بس كان لسه فيه الروح لأن هو قدر يزق إيدي من على بقه وكان بيحاول يقول إلحقوني بس صوته مكنش عالي أوي فأنا خوفت إن حد يسمعه وإن حد يكشفني فقمت خابط ركبتي في دماغه خبطتين وهو واقع على الأرض وبعد الخبطة دي هو ساب خالص وما اتحركش تاني.
س: وما هو موقفك بالنسبة للمجني عليه/ إيهاب أشرف عبد العزيز عبد الوهاب بُعدا واتجاها حال قيامك بالتعدي عليه وارتكاب جريمتك آنذاك؟
ج: أنا كنت واقف في ظهره وماسك بوقه من الخلف بإيدي اليمين وماسك السكينة بإيدي الشمال علشان أنا أشول
س: وما هي عدد الضربات التي كلتها للمجني عليه/ إيهاب أشرف عبد العزيز عبد الوهاب وطبيعتها وأين استقرت تحديدا؟
ج: أنا ضربته ضربة بالسكينة في رقبته من الناحية الشمال ببوز السكينة دخلت نصها في رقبته وضربة تانية كانت في بطنه من الناحية الشمال وأنا غرزت السكينة تقريبا كلها وأنا بضربه بالسكينة في بطنه ايده اليمين اتعورت ما بين صابعين الإبهام والسبابة عشان هو كان بيحاول يحوش السكينة ولما وقع كنت لسه حاطت إيدي على بوقه فلقيته بيحاول يسحب إيدي وبيحاول يستغيث فقمت نازل عليه بركبتي مرتين على دماغه لحد ما قطع النفس.
س: وبأي يد قمت بالتعدي على المجني عليه سالف الذكر أنذاك؟
ج: إن كنت واقف في ظهره وحاطط إيدي اليمين على بوقه وضربته بإيدي الشمال بالسكينة ضربتين واحدة في رقبته والتانية في بطنه ولما وقع على الأرض وكان لسه فيه النفس أنا ضربته ضربتين بركبتي في دماغه وبعدها هو قطع النفس .
س: وهل حاول المجني عليه/ إيهاب أشرف عبد العزيز عبد الوهاب مقاومتك أو الاستغاثة آنذاك؟
ج: أيوة هو حاول
س: وما هي مظاهر تلك المقاومة والاستغاثة؟
ج: هو حاول يزق إيدي من على بوقه بس أنا كنت ماسكه جامد وحاول إنه يحوش السكينة وأنا بضربه في بطنه بس هي جت على إيده اليمين عورته بجرح ولما وقع على الأرض وإيدي فلتت من على بوقه قعد يستغيث ويقول إلحقوني وساعتها أنا نزلت عليه بركبتي مرتين لحد ما قطع النفس.
س: وهل استجاب أي من الأشخاص آنذاك لاستغاثة المجني عليه سالف الذكر؟
ج: لا هو كان بيقول إلحقوني بصوت متوسط مش عالي أوي وأنا كنت قافل الباب علينا من جوه وعشان يفتح من بره لازم يكون فيه مفتاح
س: وهل الوحدات السكنية الكائنة بالعقار محل الواقعة يقطنها ثمة أشخاص إبان ارتكابك الواقعة؟
ج: اه المكان كله فيه ناس ساكنة من الأهالي بس مفيش حد سمع أو حس بحاجة
س: ثبت من مناظرة النيابة العامة للجزء العل دون رأس من جثمان المجني عليه/ إيهاب أشرف عبد العزيز عبد الوهاب وجود قطع طولي بالظهر أسفل الكتف من الناحية اليمنى من الخلف بالقرب من مفصل الذراع الأيمن فمن محدث ذلك الجرح الإصابي؟
ج: أنا اللي عملته
س: وما سبب وتوقيت إحداثك لذلك الجرح الإصابي المار ذكره؟
ج: أنا كنت بحاول أحطه جوه الكرتونة بس الكرتونة كانت بتتفتح من الجانب فانا حاولت أقطع الذراع زي ما قطعت الرأس
س: وما الذي حال دون ذلك؟
ج: أنا حسبت إنه هياخد وقت جامد مني والمنطقة دي في الجسم فيها عظم جامد في المفصل وأقوى شوية من العامود الفقري
س: وهل من ثمة آثار دماء للمجني عليه/ إيهاب أشرف عبد العزيز عبد الوهاب لطخت بها ملابسك حال ارتكابك للواقعة؟
ج: أيوة فيه دم جه على البنطلون الجيز على الرجل اليمين أعلى الركبة والكوتشي بتاعي جه عليه دم من جانب وأسفل النعل والكم بتاع السويتشرت من ناحية الشمال جه على نقط دم.
س: وما الذي بدر منك حيال تلك الدماء التي استطالت ملابسك آنذاك؟
ج: أنا كان فيه إزازة مياه مسحت بيها البنطلون والسويتشرت والكوتشي لما مشيت بعد كدة في الشارع جه عليه تراب واتمسح.
س: وما التصرف الذي بدر منك عقب إجهازك على المجني عليه/ إيهاب اشرف عيد العزيز عبد الوهاب وتثبتك من إزهاق روحه؟
ج: هو لما كان واقع على الأرض في الأوضة أسفل السبورة كان ظهره للسبورة ووشه ناحية الحجرة وكان على جانبه فأنا سبته على جنبه وبدأت إن أفصل جسمه علشان أقدر أحطه في الشكاير وفي الكرتونة اللي أنا كنت عارف إن هما موجودين في الاوضة وكنت ناوي إن أنا استخدمهم في إخفاء الجثمان.
س: وما هي الكيفية التي استخدمتها في التخلص من جثة المجني عليه/ إيهاب أشرف عمد العزيز عبد الوهاب عقب إجهازك عليه؟
ج: أنا لما اتأكدت إن هو مات بدأت أقطع الهدوم بتاعته لأن لقيت حجمه كبير وقررت إن أنا أقطع الجثمان واستخدمت نفس السكينة اللي أنا قتلته بيها وبدأت أقطعه من الجانبين بشكل دائري لحد ما وصلت للعامود الفقري وساعتها قلبته على وشه وحطيت السكينة بين فقرة من فقرتين العامود الفقري وفضلت أدوس على ظهر السكينة برجلي لحد ما كسرت العظمة بتاعة العامود الفقري وفصلت الجثمان لنصفين وبعد كدة لما جيت أحط النصف العلوي في كرتونة فلقيت رأسه ظاهرة من الكرتونة فقررت إن أفصل رأسه فرحت ماسك السكينة وبشكل دائري لحد ما فصلت رأسه وكده قسمت الجثمان ثلاثة أجزاء الجزء السفلي ربطت رجليه الاتنين من الخلف بحبل دوبارة بتاعة الشيكارة الخيش في الحزام اللي كان لابسه إيهاب وحطيته في الشيكارة الخيش البني وبعدين حيطته جوه الشكارة البيضاء البلاستيكية وبعدين حطيته جوه الشيكارة الزرقاء وربطت الشيكارة بدوبارة من بتاعة الشيكارة الخيش والجزء العلوي من الجثمان عقب فصل الرأس فرشت الكرتونة بأكياس زبالة سوداء ولما جيت أحط فيها الجثة عقب فصل الرأس لقيت إن الزراع اليمين هيخرج بره الكرتونة فأنا حاولت إن أنا أقطعه بس لقيته هياخد وقت كبير فحطيت الجزء العلوي من غير الرأس زي ما هو وحطيت الرأس في كيس أسود وحطيتها جوه الكرتونة وقفلتها بالغلاف بتاعها وقفلتها بجزء من الحبل الباق من الشيكارة البلاستيك.
س: وما الذي بدر منك عقب ذلك؟
ج: أنا بدأت أنضف الملابس بتاعي والأرض والسكينة منضفتهاش ورميتها زي ما هي في المصرف والحيطان نضفتها.
س: ما هي الفترة الزمنية المستغرقة منذ بداية تعديك على المجني عليه/ إيهاب أشرف عبد العزيز وإزهاق روحه؟
ج: الموضوع ده أخد حوالي 10 دقائق
س: ما هي الفترة الزمنية التي استغرقتها في تقطيع جثمان المجني عليه لإخفاء آثار جريمتك؟
ج: الموضوع ده أخد حوالي 20 إلى 30 دقيقة
س: متى انتهيت تحديدا من ارتكاب جريمتك؟
ج: حوالي الساعة 8 إلى 8.05 مساء
س: وهل ورد إليك ثمة اتصالات من ذوي المجني عليه/ إيهاب أشرف عبد العزيز عبد الوهاب للاستفسار عن مكان تواجد نجلهم وما هو عددها؟
ج: في الوقت اللي أنا كنت في الاوضة ووالدته كلمتني على تليفوني مرة واحدة وسألتني عنه وقولتلها إن هو خرج من ساعة ما انتي كلمتيه وغالبا هو ممكن يكون راح الاسكيت واتصلت على رقمه هو وأرقام تانية بس أنا كنت بكنسل.
س: وما هي كيفية تخلصك من متعلقات المجني عليه/ إيهاب أشرف عيد العزيز عبد الوهاب؟
ج: أنا حطيتهم معايا في جيبي وبعد كده رميتهم مكان ما رميت السكينة في ترعة النقعة آخر قرية 22 الأمل بس مش كلهم في كيس واحد.
س: ما هي كيفية تخلصك من أجزاء جثمان المجني عليه/ إيهاب أشرف عبد العزيز عبد الوهاب وما الطريق الذي سلكته للوصول للمكان محل ذلك؟
ج: أنا خرجت من البيت وأخدت الكرتونة اللي فيها الجزء العلوي من الجثمان والرأس وحطيتهم قدامي على الموتوسيكل ومشيت في طريق رئيسي إسمه النقعة بصار لحد ما وصلت لكوبري ما بينهم اللى هو كوبري الخلايفة وبعد كده حودت شمال لحد ما وصلت للكوبري اللي بعده وده اللي حطيت فيه الجزء العلوي على أحد جانبي المجرى المائي فوق الماسورة ورميت الرأس في نصف الترعة وبعد كده رجعت تاني من نفس الطريق لحد أوضة الدرس وبعدين جبت الشكارة اللي فيها الجزء السفلي وحطيته على الموتوسيكل وروحت في طريق لما وصلت لكوبري النقعة وبعدين لفيت من ورا البلد من آخر قرية 22 الأمل لحد ما وصلت للأسفلت عشان ما ابانش إن أنا رايح لطريق الدرس مباشر وبعد كده دخلت في طريق كوبري الُخرس وهناك بعد الكوبري بحوالي كيلو رميت الشيكارة اللي فيها الجثمان السفلي ما بين المنصل والأرض الزراعية ورجعت تاني من نفس الطريق على أوضة الدرس علشان أجيب المتعلقات بتاعته والحاجات بتاعتي وأخدت الحاجات على الموتوسيكل وطلعت على طريق بحر النقعة آخر قرية الأمل ورميتهم هناك.