أحمد عاطف يوضح كواليس استبعاده من منتخب مصر ​

كشف اللاعب أحمد عاطف، مهاجم نادي مودرن سبورت، ملابسات استبعاده من معسكر منتخب مصر، الذي شارك في بطولة كأس العرب.

وودع الفراعنة بطولة كأس العرب من دور المجموعات بدون تحقيق أي فوز، بعد التعادل مع الكويت والإمارات والخسارة من الأردن.

كتب عاطف عبر حسابه على فيسبوك، "أولًا: الحمد لله، كان نفسي أبقى موجود مع زمايلي في المنتخب وأساعدهم بأكتر شكل أقدر أساعد بيه، وكان نفسي أبقى موجود وأمثل بلدي في بطولة زي دي، لكن قدر الله وما شاء فعل”.

كام نقطة حابب أوضحهم، علشان مش عارف أرد على أي رسالة أو تليفون، وبعتذر لأي حد معرفتش أرد عليه:

1- أنا مكنتش أعرف إني هسافر وأبقى مش موجود.

2- أنا الحمد لله سليم ومش مصاب.

3- أنا معملتش أي تصريح غير إني مش مصاب، لأن دي الحقيقة، وكل الكلام اللي اتقال زيادة ملوش أي علاقة بيا.

4- مكنتش حابب أتكلم في الموضوع علشان مكنتش حابب أسبب لزمايلي أي حاجة، وكنت عايزهم يكونوا مركزين في البطولة بأكبر شكل ممكن.

5- الحمد لله أنا راضي بقضاء ربنا، وأكيد كل حاجة ربنا بيعملها بتكون خير ليا.

6- الموضوع اتقفل بالنسبة لي تمامًا، وبتمنى التوفيق للمنظومة كلها، وإن شاء الله المنتخب يعوض ونكسب أمم أفريقيا، والشعب يفرح، لأن الشعب يستاهل ده، ويفضل اسم مصر فوق أي حد.