تامر حسني: "حياة الإنسان ما هي إلا عدد محدود من دقات القلب"

وجه الفنان تامر حسني رسالة إنسانية إلى جمهوره ومتابعيه، حول قيمة الوقت والعمر، مؤكدًا أن حياة الإنسان ما هي إلا عدد محدود من دقات القلب، لا يجب إهدارها في الحزن أو الخلافات والمشكلات. 

وكتب تامر حسني عبر حسابه الرسمي فيس بوك: "سمعت تحليل عظيم أحب أنقلهلكم جايز يفيدكم بس ركزوا فيه جدًا ربنا سبحانه وتعالى بيخلقك ويديك هدية، ٥ مليار دقة قلب مثلاً لو هتعيش لـ ٧٥ سنة أو ٨٠".

وتابع: "شوف بقى تقريباً أنت ضيعت منهم ٢ مليار و نص خلاص طبعاً كلامي على المواقف اللي في إيدينا نغيرها فاتيجي بعد شوية تقول لنفسك إيه ده، هل المواقف اللي عيشتها دي كانت مستاهلة أضيع عليها من عمري كل الدقات دي".

وأضاف: "فأنت أو إنتي من دلوقتي قولوا لنفسكم..هل القصة دي أو الزعل ده أو المشكله دي هتاخد من حياتي مثلاً ٢٠ ألف دقة قلب، هل تستاهل؟، المقصود إنك متضيعش عمرك ودقات قلبك على حاجات متستاهلش".

واختتم تامر حسني حديثه: "دايماً بقول إن اللي صاحي دلوقتي والكلام وصله أو وصله بعدين يبقى فعلاً هو محتاج يسمع الكلام ده عشان يتقدم ويغير في نفسه لأن في حاجات حلوة مستنياه وميبصش للماضي عشان محدش هيعرف يمشي لقدام وهو باصص لورا أكيد هيقع أو هيمشي غلط بص قدامك ركز في ورقتك وحالك مش حال الناس مستنيك نجاح كبير روحله ومتضيعش وقتك ودقات قلبك في حاجات متستاهلش".