عبر ستوري انستجرام
"أفشة" يودع جمهور الأهلي.. بعد انتقاله رسميا للاتحاد السكندري
وجه محمد مجدي أفشة لاعب الأهلي، رسالة توديع مؤثرة لجمهور النادي بعد أن أتم انتقاله لصفوف الاتحاد السكندري، على سبيل الإعارة لنهاية الموسم الحالي.
وكتب أفشة عبر ستوري انستجرام: “الرحلة فيها حاجات كثير حلوة عشناها مع بعض، من أفريقيا للدوري لبطولات العالم، كور كثيرة راحت وجات، واحدة لبست غيرت تاريخ كبير، وواحدة قلشت طيرت فلوس كثير برضه كل ده مش مهم.. المهم إني عشت طول عمري محبوب ومتشال على الراس من أعظم جمهور في الدنيا."
وأضاف صانع القاضية ممكن في نهائي القرن: "أنا بسيط وبحب اكون سهل وواضح عايز اقولكم هتوحشوني جدا، أتمنى ميكنش وداع دائم يبقي مؤقت فترة قصيرة ، أرجع فيها زي الأول وأكثر.. بحب جمهور الأهلي كثير".
واختتم: "مش هقول مع السلامة، هقول إلى لقاء قريب تاني بإذن الله، جمهور الأهلي من كل قلبي شكرا على اللي فات وعلى اللي جاي برضه."