الشناوي: فخور بأداء المنتخب رغم المركز الرابع

تحدث محمد الشناوي حارس مرمى منتخب مصر، عن حصول الفراعنة على المركز الرابع في بطولة كأس الأمم الإفريقية. 

قال الشناوي، في تصريحات عبر قناة “بي إن سبورتس”، إن المركز الرابع في بطولة كأس الأمم الإفريقية 2025 قد لا يكون النتيجة المنتظرة، لكنه أشاد بأداء اللاعبين طوال البطولة.
أضاف الشناوي: "عايز أشكر كل اللاعبين على الأداء اللي قدموه النهارده وفي البطولة كلها عمومًا، مكنش في ناس متوقعة أننا نوصل لنصف النهائي أو نلعب فيه".
وأردف: "أنا بشكر كل اللاعبين وبشكر الجهاز الفني واتحاد الكرة اللي وفر لينا كل حاجة.. مكنش في توفيق أننا نكسب، والحمد لله على المركز الرابع، وحابب أشكر كل اللاعبين لأنهم مبخلوش بأي حاجة، وهي دي الكرة".
أشار الشناوي إلى صعوبة مباراة تحديد المركز الثالث والرابع، لكنه شدد على أهميتها:"مباراة المركز الثالث والرابع بتبقى تقيلة شويه، لكن في الآخر هي فرصة للعيبة اللي ملعبتش وفرصة للمدربين يشوفوا اللاعبين.. فهي لازم تتلعب عادي".
وأكد الشناوي في نهاية حديثه أن المنتخب قدم كل ما لديه خلال البطولة، وأن الروح القتالية كانت حاضرة في كل مباراة، متمنيًا الأفضل في المستقبل للفراعنة.