"تعب سنين في الغربة راح" .. حريق يحول فرح عريس لحزن بالشرقية

أثار منشور متداول على موقع التواصل الاجتماعي «فيسبوك» حالة كبيرة من الحزن والتعاطف، بعدما كتب شاب يُدعى محمود سليم، من أبناء مدينة القرين محافظة الشرقية، منشورًا مؤثرًا عبر فيه عن حزنه الشديد بعد أن التهم حريق محتويات شقته بالكامل، وذلك قبل 3 أيام فقط من موعد حفل زفافه.

وقال الشاب في منشوره: «الحمد لله على كل حال، وقدر الله وما شاء فعل.. دي الشقة اللي تعبت فيها سنين وأنا في الغربة عشان أجهزها وأرجع أتجوز فيها».

وأضاف بحزن: «تعب سنين راح قدام عيني في لحظات.. فرشي وفرش العروسة اتحرق كله في دقايق، وفرحنا كمان بعد 3 أيام».

وتابع: «إحنا طول عمرنا في حالنا، ومابنبصش للي في إيد حد، ولما بنشوف نعمة عند غيرنا بنقول ربنا يزيده، واللي يعرفنا كويس عارف إننا كده».

واختتم كلامه قائلًا: «ربنا يصبرنا على اللي حصل، والحمد لله في كل حال، وإن شاء الله ربنا يعوضنا خير».

وتفاعل عدد كبير من المتابعين مع منشور الشاب، معبرين عن حزنهم الشديد لما تعرض له بعد سنوات من العمل والغربة، داعين الله أن يعوضه خيرًا.