شعبان عبدالرحيم يطلق أغنية "معاك من أجل مصر" لدعم الرئيس السيسي
أطلق المطرب الشعبي شعبان عبدالرحيم أغنية جديدة، لمطالبة الرئيس السيسي بالترشح لفترة رئاسة جديدة، والأغنية التى جاءت باسم "معاك من أجل مصر" لاقت استحسان الآلاف عبر مواقع التواصل الاجتماعي الذين شاركوها، وعلى الصفحات التى تدعم الرئيس عبد الفتاح السيسي وتطالبه بالترشح لفترة رئاسية ثانية
وتقول كلمات الأغنية:
كلنا معاك يا ريس كلنا معاك يا ريس
كلنا من أجل مصر ..
معاك هنبنى بلدنا ونعيش فى عزة ونصر
معاك هنبنى بلدنا ونعيش فى عزة ونصر
معاك من أجل مصر .. فرصة منضيعهاش
كمل جميل باه ..كمل وماتسبناش
عرفيناك انك بتتعب والحمل عليك تقيل
بس اتعلمنا منك ..ان مافيش مستحيل
على كفك شلت روحك ووقفت جنب الشعب
خليك معانا ياريس وعدى بينا الصعب
مهنساش 30 يونيو والناس بتفرح وانت بتقرا البيان
عرفين انك بتتعب وان الحمل عليك تقيل
لكن اتعلمنا منك انه مافيش مستحيل
والله ما حكاية غنى ولا كلام محدود
دا الناس شيفين البنا وشايفين المجهود
دى مصر اللى انت عشانها ضحيت ومشفت النوم
الجيش والشرطة وانت بجد تسلموا
يارب اللى مش فاهمين يارب يفهموا
الشعب اللى انت لحقته من ايد المجرمين
بيقلك رشح نفسك كمان اربع سنين
متبخلش علينا ياريس يابن الناس الجدعان
خليك معانا ياريس مدة رئاسة كمان
مشوار اللى انت بدأته معاك هنكمله
واللى انت هتأمر بيه والنعمة هنعمله
والناس من اليوم ده نازل تقلك خليك
والشعب بينديك.