"عرابي" عن قائمة المنتخب في كأس العالم: اختيارات غريبة من "كوبر".. والحساب بعدين (فيديو)

كتبت - سمر سيد

قال هيثم عرابي، مدير تعاقدات النادي الأهلي السابق، إن اختيارات مستر كوبر، المدير الفني للمنتخب المصري، للقائمة النهائية المشاركة في مونديال روسيا 2018، تبدو غريبة ولكن لا يوجد مجال للانتقاد الآن، ويجب الوقوف خلف المنتخب "والحساب بعدين".

أوضح مدير تعاقدات النادي الأهلي السابق، خلال لقائه في برنامج "ملاعب ON sport"، أن اختيارات "كوبر"، لقائمة المنتخب النهائية للمشاركة في مونديال روسيا 2018 غريبة جدًا، وقال: "أتمنى يكون مستر كوبر عارف هو بيعمل إيه في اختيارات غريبة جدا، ولكن مينفعش ننتقد دلوقتي، إحنا لازم نقف ورا المنتخب والحساب بعدين، يا إما يطلع هو الصح أو غلط، لكن للأسف ساعتها اسم البلد هو اللي بيدفع التمن".

وعلق عرابي، على قائمة المنتخب النهائية قائلًا: "فين حسين الشحات، كان محتاج مهاجم تاني، كوكا بقاله كام سنة بيلعب للمنتخب فجأة بقى بره، سام مرسي عليه بعض الحاجات، في بعض اللعيبة عليها بعض الحاجات".

وتابع قائلًا: "اللعيبة بتقرا كل حاجة ومش من مصلحة حد إنه يكسر في المنتخب حاليا وربنا يكرمنا والحساب بعدها".

يذكر أن المدير الفني هيكتور كوبر، أعلن اليوم عن القائمة النهائية المشاركة في مونديال روسيا 2018 من المنتخب المصري، وكانت كالتالي:

خط الدفاع: أحمد فتحي – أحمد المحمدي – عبد الشافي –أحمد حجازي – عمر جابر – علي جبر – سعد سمير – الونش – أيمن أشرف.

خط الوسط: محمد النني- عبد الله السعيد – شيكابالا – تريجزجيه – رمضان صبحي – طارق حامد – عمرو وردة – سام مرسي.

خط الهجوم: محمد صلاح_ محمود كهربا – مروان محسن.

حراس المرمى: عصام الحضري _محمد الشناوي_شريف إكرامي.