ابنة حسن حسني: "والدي بخير واللي بيحصل إشاعة سخيفة"

كتب - محمد اسماعيل

نفت نجلة الفنان القدير حسن حسني، فاطمة حسني، شائعة مرض والدها، مؤكدة أنها مجرد شائعة وصفتها بالسخيفة، وأنه بصحة جيدة ويتواجد في المنزل.

كما نفت نجلة الفنان حسن حسني، ما تردد مؤخرا بتكفل إحدى الشركات بعلاج والدها، إذ قالت في بيان لها: "بشكر أصحابي كلهم والله أنا مش ملاحقة على التليفونات والرسائل من الفجر وبطمنكم كلكم والدي الفنان حسن حسني بخير وصحته كويسة والحمد لله وهو في بيته مش في المستشفى ومافيش أي حد دفعله أي فواتير مستشفى ولا أي حاجة مع احترامي للجميع"، مضيفة "الواحد بقي مستغرب الناس بقت بتسلي صيامها بأذية الناس ونشر إشاعات كدابة ولا إيه!! عموما تقبل الله".

وتابعت فاطمة حسني: "والدي بخير وفي بيته وكل اللي بيحصل ده مجرد إشاعة سخيفة انتشرت بطريقة غريبة جدا أنا مش فاهمة الناس بتعمل كده ليه!! رمضان كريم".