مدير أعمال هيفاء وهبي يستقيل.. فما السبب؟
كتب - محمد اسماعيل
استقال المصري محمد وزيري من إدارة أعمال المطربة اللبنانية هيفاء وهبي، بعد الانتقادات التي طالته من قبل متابعيها، وذلك بسبب انتقاده فرقة "مشروع ليلى" المثيرة للجدل بسببه في لبنان.
وأصدر وزيري بيانا توضيحيا، قال فيه: "هيفاء حبيبتي إنت عارفة كويس إني دايما عايزلك أحسن حاجة وميهمنيش غير مصلحتك وطول الفترة اللي احنا فيها مع بعض كنت بساعدك بقلب وإخلاص".
مضيفا "وعارفة كمان إني عمري ما كنت مدير أعمال حد وبعمل كده معاك عشان إنت أغلى حد عندي ومن غير أجر أو مقابل بس يكفيني أشوفك مبسوطة وعشان اللي شوفته منك ومعاك وقلبك النضيف واللي بيننا يخليني أجيبلك الدنيا تحت رجليك".
وتابع بقوله: "وعلى أد ما أنا بحبك أكيد بحب أشوفك ناجحة ومرضاش بسببي جمهورك يهاجمك وأنا مش هقدر أغير موقفي ولا أي رأي أنا مؤمن بيه وأنا كمان مش هقدر على اللي بيتقالي وتقييمي على حاجة مش شغلتي أساسًا".
وأردف: "وأهلي اللي اتبهدلوا وكرامتي وإهاناتي اللي بشوفها، أنا بقولك رسميًا أنا مبقاش ليا أي علاقة بشغلك بس بقولك وبقولها لكل الناس إنك هتفضلي مسؤولة مني وهخاف عليك".