السيسي: "اللي بيقول أنا عملت قصور رئاسية.. آه عملت وهعمل.. ده مش باسمي باسم مصر"

وجه الرئيس عبد الفتاح السيسي، رسالة قوية اللهجة إلى كل الشائعات والادعاءات، التي تم تداولها خلال الفترة السابقة على مواقع التواصل الاجتماعي، حول قصور الرئاسة، موضحًا أن أجهزة الدولة طلبت منه عدم التطرق للحديث في هذا الأمر، إلا أنه قال، "إن مركز الثقل بينه وبين الناس في مصر هو الثقة".

وقال الرئيس عبد الفتاح السيسي، خلال الجلسة الثانية، للمؤتمر الوطني الثامن للشباب، بعنوان "تأثير نشر الأكاذيب على الدولة في ضوء حروب الجيل الرابع": "كل الأجهزة قالولي لو سمحت متكلمش، طب هقولكم حاجة كانوا يبوسوا إيدي والنبي ما تعمل كده قلتلهم اللي بيني وبين الناس الثقة هم مصدقني، لما حد ييجي يلعب في الحتة دي، ويقولهم إن الراجل اللي إنتو مصدقينه ده مش مظبوط ده أخطر حاجة في الدنيا، أنا لو سكت عنها الست الكبيرة اللي بتدعيلي، وهي بتصلي في البيت أسبها إزاي محتارة، إنت إيه أنت فعلًا الحاجات اللي اتقالت دي عملتها ولا معملتهاش؟".

 

 

 

وتابع قائلاً: "قصور رئاسية آه أنا عامل قصور رئاسية وهعمل، هي ليا، أنا بعمل دولة جديدة، إنتو فاكرين لما تتكلموا بالباطل هتخوفوني ولا إيه، أنا بعمل وهعمل، أنا مش بعمل حاجة ليا ولا باسمي ده باسم مصر".