ابنة طلعت زكريا تكشف كواليس لقائه بالرئيس مبارك

كشفت الممثلة الشابة ايمي، نجلة الفنان الراحل طلعت زكريا، كواليس لقاء والدها بالرئيس المصري الأسبق محمد حسني مبارك الذي توفى عن عمر يناهز 92 عامًا في احد مستشفيات العاصمة المصرية القاهرة، حيث كان يجري عملية جراحية.

وقالت ايمي طلعت زكريا إن والدها طلب من الرئيس المصري الأسبق بعدما تكفل الأخير بمصروفات علاجه بعد أن تعرض لوعكه صحية في عام 2007، وتابعت في منشور عبر حسابها بموقع إنستجرام: "رد الجميل.. كان بابا بيحكيلى عن مقابلته للرئيس لأول مره.. وكان راجع فرحان اوى بصرف النظر عن انه وقف جنبه ورجعه مصر بعد رحله علاج طويله ف باريس ..وبعد رجوع بابا من فرنسا وتماثله الشفاء كلمه الرئيس ف التليفون وقاله نفسك ف ايه ياطلعت.. قاله انى اشوفك ياريس.. وفعلا بعد عام من المكالمة دى كلمه مكتب الرئاسة وقاله فى ميعاد مع الرئيس غدا".

وتابعت ايمي طلعت زكريا: "وافتكر اليوم ده كويس بابا منامش لغايه ميعاد المقابله.. وأول الريس لما شاف بابا قاله انت جاى تقابل رئيس جمهوريه ياطلعت مش لابس بدله ليه جاى بقميص وبنطلون وضحك معاه.. قاله من كتر التوتر ياريس معرفتش بلبس ايه".

واختتمت ايمي طلعت زكريا حديثها بقولها: "قد ايه كان راجل جميل .. ربنا يرحمك ياريس انت وبابا وكل امواتنا.. لغايه الان احنا على تواصل مع علاء مبارك ودايما بيسأل علينا".