أسامة كمال يتضامن مع الأطقم الطبية المصرية

استعرض الإعلامي أسامة كمال حلقته اليوم من برنامج "مع أسامة كمال" بسرد حكاية الدكتور نجيب ميخائيل محفوظ أحد راود الطب في مصر.

وقال: "ماعرفش كام دكتور في مصر عمل كده زي د. نجيب في مواجهته لـ وباء الكوليرا سنة 1902 دلوقتي مع الكورونا، يمكن واحد، ويمكن الف، حقيقي ماعرفش، لكن اسلوب بيفكرني بالظباط اللي كانوا بيتصابوا في سينا ويصروا يرجعوا تاني سينا بأي تمن.. كام طبيب ما كانش في خط المواجهة الأول، فقرر يروح بنفسه أو يرجعله بنفسه". 

وأَضاف: أكيد هييجي وقت نحكي فيه قصص اطباء كلها بطولات وتضحيات في زمن الكورونا وهتتكتب كتب زي كتاب حياة طبيب اللي كتبه د. نجيب محفوظ فيه فصل زي شهور مع الكوليرا يتكلم عن شهور مع الكورونا.. بنتكلم عن اطبائنا جوة مصر. 

وعن الأخبار المتداولة حول تكليف الأطباء قال: "ماينفعش يتقال ان آلاف الأطباء بترفضه، لأنه في لحظة ممكن يتحول لتجنيد الأطباء بدل تكليف الأطباء، ومتهيألي التوب الأبيض أو البالطو الأبيض لازم يفضل ناصع البياض مافيهوش شوائب سببها الخوف أو القلق.. المنظومة تتظبط وتمشي زي الساعة.. ما فيش لا وقت ولا مجال..". 

وأعلن تضامنه مع أطباء مصر قائلا: "أنا أسامة كمال متضامن مع أطباء مصر وممرضين وممرضات مصر وكل العاملين في المنظومة الطبية والصحية.. حمايتكم حق لينا قبل ما يكون حق ليكم، وجهدكم واجب عليكم وتتشالوا ع الراس، لكن مافيش شك اللي بيستقيل ع الهوا في قناة الجزيرة كل اللي فات دة ماينطبقش عليه.. ظهرت النوايا بالنسبة لكم.. غير كدة، خلص الكلام".

و وجه رسالة لاطباء خلال الحلقة قائلا: " مانيش من الناس اللي على كل حاجة بتقول اخوان، لكن الاخوان شغالين وانت عارف سواء كنت منهم أو ما كنتش، الجزيرة شغالة وانت عارف انها شغالة سواء كنت تبعها أو ضدها.. اوعى تفتكر انهم عايزين مصلحتك، ولا تصدق إن أي فلان بيدور لك على مصلحة، فكر في نفسك بنفسك، ايه اللي هيحقق لك الصالح اللي ما ينفصلش عن صالح الناس كلها والبلد كلها".

وأضاف كمال: "عندك نقابة تدافع عنك، لكن الهيصة اللي على المواقع اللي تخلي ناس تدافع وناس تهاجم مابتسيبك الا المرار والكل خسران".

ويسعى الإعلامي أسامة كمال من خلال برنامجه فرز العديد من الاخبار بعيداً التهويل والتهوين..لتضع المشاهد والمتابع في اطار صورة واقعية وحقيقية ويذاع البرنامج يومي الاحد الاربعاء الساعة 9 مساء