أسامة كمال ينتقد ارتفاع أسعار المستلزمات الصحية والتحاليل والفحوصات الطبية

انتقد الإعلامي أسامة كمال في حلقة اليوم من برنامج "مع أسامة كمال"، ارتفاع أسعار المستلزمات الصحية والتحاليل والكثير من الفحوصات الطبية، مثل الأشعة المقطعية.

وقال كمال: إن شخصا أراد يعمل أشعة مقطعية على الصدر، دفع 900 جنيه، وهذا رقم مبالغ فيه جداً، بس ماشي، مضطرين.. بعدها بـ 3 أيام بعت حد تاني وفي إيده 900 جنيه لنفس المركز، نفس الفرع يعمل نفس الحاجة، مانفعش، لأن السعر بقى 1400 جنيه.. آه والله.. 50% زيادة مرة واحدة في 3 أيام.. يعني إيه؟ نقول كمان، ميزان الحرارة الديجيتال كان بيتباع في كل حتة بسعر 400 جنيه، وصل 600، يعني برضه 50% زيادة وفجأة بقى بـ 4 آلاف جنيه، يعني 10 أضعاف السعر، يعني إيه؟ يعني أنت جشع، يعني أنت بتستغل الناس، يعني أنت ماعندكش البتاع الأحمر اللي عندنا في العروق، ولو اتعورت هتخر ورق بنكنوت.. أبلغ في مين؟ مافيش تسعيرة، أقول اسمك؟". 

وأضاف كمال: "هو مصطلح ظروف استثنائية صعب الفهم؟ إحنا-في-ظروف-استثنائية.. يعني ظروف مش عادية، يعني اللي يمشي في الأيام العادية ما يمشيش الأيام دي، يعني كل واحد يحط في عينه حصوة ملح ويتعامل على أساس إنها مش أيام عادية.. يعني إيه؟". 

ويسعى الإعلامي أسامة كمال من خلال برنامجه إلى فرز العديد من الأخبار بعيداً التهويل والتهوين.. لتضع المشاهد والمتابع في إطار صورة واقعية وحقيقية، ويذاع البرنامج يومي الأحد والأربعاء الساعة 12.30 ظهرًا. 

https://www.youtube.com/watch?v=J17ZrSVILsc