فلوكس يشكر زوجته الأولى: عرفتني الفرق بين الست المحترمة وناس تانية

حرص الفنان أحمد فلوكس على توجيه رسالة شكر إلى طليقته الأولى، وهي سيدة مغربية تدعى "رابيا"، تعمل كعارضة أزياء، والتي رزق منها بابنه "سيف الدين".

وقال فلوكس في منشور عبر حسابه بموقع إنستجرام: "الحقيقة عمر ما جيه الفرصة وده تقصير مني أن أشكر أم ابني رابيا.. بعد تعاملي مع ناس كتيرة ومواقف وتجارب شوفتها عرفتني الفرق بين ولاد الناس بجد وقاع المجتمع، والفرق بين الست المحترمة اللي مبتسبش ابنها وبيتها وبين ناس تانية راميين عيالهم ومقضيينها شمال وسهر وخروج ومن الراجل دا للراجل دا".

وتابع فلوكس: "ما بين واحدة بعد انفصالها لم تتزوج وفن نفسها لابنها ومحترمة وضعها وسنها وناس راميين عيالهم وجواز ومن جوز لجوز لصاحب جوز وحاجة بشعة وناسيين عيالهم ولا محترمين سنهم ولا عيالهم ولا حتى شكلهم".

وأضاف بقوله: "بشكرها على محافظتها على اسمي وسمعتي وإنها عمرها ما غلطت فيا ولا في حد وطول عمرها سند وضهر تانية. بشكرها انها طول الوقت محافظة على وضعي ومكانتي غير ناس تانية ممكن يدمروا رجالتها ويطلعوا أسرارهم ويتكلموا عنهم.

واختتم حديثه قائلا: "بشكرها على تربيتها لابني وانها فنت حياتها ونسيت نفسها ومبقاش عندها حياة غير لابنها، رغم ان عندها كل حاجة تخليها تعيش وتتبسط بس كأي ست محترمة قافلة حياتها لابنها وبس، وعلى الرغم من انفصالنا لكن دايما صاينة اسمي واسم ابني وبترفعه في السما. شكرا ليكي.. شكرا لاحترامك لنفسك ولابني ولاسمي.. شكرا للي رباكي".