عائلة محمود ياسين ترد على رئيس مهرجان القاهرة: والله عيب

أبدت الفنانة القديرة شهيرة، زوجة النجم الراحل محمود ياسين، استيائها من تصريحات محمد حفظي رئيس مهرجان القاهرة السينمائي الدولي بشأن السبب وراء عدم تكريم محمود ياسين ضمن فعاليات الدورة المقامة حاليا.

واكتفت الفنانة القديرة بقولها: "والنبي ده رد رئيس مهرجان عريق.. والله عيب.. جه يكحلها عماها"، بينما قالت الفنانة رانيا محمود ياسين: "الحقيقه مش عارفه اقول ايه علي الرد ده غير لا تعليق بجد لا تعليق"، في حين كتب حفيد محمود ياسين، الممثل الشاب محمود ياسين: "مع احترامي للاستاذ محمد حفظي بس اظن أن خانه التعبير في الجمله دي.. محمود ياسين مش مستني تكريم لأن هو الحمد لله اتكرم وهو عايش من الناس ومن الدولة ومش تكريم مهرجان هو اللي هيزود حاجة".

وأضاف : "حتي لو كان مهرجان كبير زي مهرجان القاهرة وكان احسنلي ميردش علي الموضوع ده، عن أنه يقول مش هنقلد مهرجان الجونة، أنا جدي أكبر بكتير من أنه ميتكرمش علشان منبقاش بنقلد مهرجان الجونة، وجود اسم جدي في المهرجان كان هو اللي هيعلي من المهرجان مش العكس.. تاريخ جدي الفني عمره أطول من المهرجانات دي".

ومع انطلاق فعاليات حفل افتتاح المهرجان، رأت رانیا محمود یاسین أنه كان من الأجدر استعراض تاريخ ونجوم السينما المصرية على مدار مائة عام، خلال حفل الافتتاح الذي عرض الفيلم البريطاني "الأب  The Father".

وكانت للفنانة رانیا محمود یاسین ملاحظة على حفل الافتتاح، قائلة: "عايزه أقول ملحوظة بخصوص مهرجان القاهرة السينمائي بس يارب ما يتاخد الكلام علي أني بهاجم أنا بقول ملحوظة استوقفتني وبس ليه في الافتتاح الحفله النهارده لم يتم استعراض نجوم وأفلام السينما المصرية اللي عمرها أكثر مائه عام ليه كل الي بيعرض علي شاشة السينما العالمية وبس وده مهرجان القاهرة السينمائي (القاهرة)".