لاعب المنصورة يستغيث من مجلس الإدارة: "حاسس إني بلعب في الشارع"

طالب نادر السيد، لاعب فريق المنصورة، مجلس إدارة النادي، بدفع مستحقات عملية الرباط الصليبي، التي أصيب به قبل بداية الموسم.

قال السيد عبر صفحته الشخصية على موقع التواصل الاجتماعي “فيس بوك”: “نفسي أعرف هو المفروض هاخد الفلوس إمتى عشان اعمل العملية، أنا بقالي أكتر من شهر قاعد اهو في البيت مستني حضراتكم تطلعولي الفلوس ولا هو بردو هيحصل زي المرة اللي فاتت وإني اعمل العملية على حسابي”.

وأضاف، “كل شوية اكلم المسؤولين اللي يقولي كمان يومين لا الاسبوع الجاي لا مش عارف امتى ومفيش فلوس طلعت ولا حياة لمن تنادي بجد والله الواحد تعب وزهق من الناس اللي موجودة الواحد بقا حاسس انه بيلعب في الشارع مش بيلعب في المنصورة.. عيب لما اتصاب مرتين ومخدش الفلوس وافضل قاعد كدا مستني كأني بشحت منكم ده حقي”.

يذكر أن نادر السيد أصيب بقطع في الرباط الصليبي، أثناء المباراة الودية بين المنصورة وبايونيرز استعدادًا للموسم الحالي.

وكان قد عاد من الإصابة أيضًا بالرباط الصيلبي، لكن شاءت الاقدار أن يصاب مرة أخرى في وقت قصير.