سمير صبري: شادية دعمتني في "نص ساعة جواز" واعتزلت لهذا السبب
عبر الفنان سمير صبري عن امتنانه الشديد للفنانة الراحلة شادية.
وأضاف صبري، خلال لقاء مع الاعلامي دكتور عمرو الليثي ببرنامجه “واحد من الناس” على شاشة الحياة: انا اشتغلت مع الفنانة شادية في فيلم “نص ساعة جواز”، وكنت ممثلا صغيرا وانت عاوف الممثلين الصغيرين يذهبون للاستوديو بدري الصبح ومساعدو الماكيير هما اللى يعملوا الماكياج ليهم، ودخلت علي الفنانة شادية وقالت لمساعد الماكيير ايه الى انت عملته في وشه ده، وطلبت من الماكيير الخاص بها انه يقوم بعمل الماكياج لي.
واضاف: زمان وإحنا بنصور وكنا صغيرين أنا وعادل إمام، اتذكر في فيلم "نص ساعة جواز" كانت شادية بتجيب أكل لكل اللى موجودين وماجدة الخطيب يوم تجيب أكل ونقعد ناكل كلنا على الأرض، وكانوا يندهوا علينا أنا وعادل اللي واخدين أدوار صغيرة، وناكل معاهم، كان في ألفة وجمال وبساطة في النفوس.
قال الفنان سمير صبري ان شادية تأثرت جدا بوفاة اخوها طاهر وكانت بتعتبره ابنها مش اخوها بس، لانها حملت اكثر من مرة ويسقط الجنين.
وأضاف صبري خلال حلوله ضيفا ببرنامج واحد من الناس على الحياة إن الأطباء اخبروها انها مصابة بسرطان في الثدى وكانت على وشك استئصاله وذهبت لامريكا والأطباء هناك قالوا لها معندكيش سرطان في الثدي، وفي هذه الفترة تقربت شادية لله سبحانه وتعالى وقررت الاعتزال.
وعلى جانب اخر كشف صبري أن مدام شويكار كانت مرشحة تعمل دور مهم في مسرحية ريا وسكينة مع سهير البابلي وكان سمير خفاجي بيعمله ليهم مع بعض، وعرض على بهجت قمر الموضوع وعملوا ملخص للمسرحية واعتذرت شويكار فقال سمير خفاجي ابعتوه لشادية وقرأت اول فصل ووافقت.