مي كساب: "مرفوض رفضا باتا.. قولت لأوكا مفيش شنب هيدخل بيتي"

قالت الفنانة مي كساب عن طفولتها إنها كانت شقية جدا، وصاحبة شخصية قوية، تحب الغناء وحب الظهور.

وعن قصص طفولتها قالت مي خلال لقائها ببرنامج “واحد من الناس”: وعملت برنامج نادي ثقافي، وجبت عددًا من الأقفاص، ولميت الأطفال كلهم على السطح، والدخول بـ50 قرشا ووالدى خلانى أرجع الفلوس للولاد.

وحكت مي موقفا طريفا مع زوجها أوكا بخصوص الشارب وقالت: إن زوجها أثناء تصوير كليب إحدى اغنياته قلت له احلق شنبك، ما فيش شنب هيدخل بيتي، وبالفعل حلقه أثناء تصوير الكليب. 

وحول انفصال اوكا واورتيجا قالت مى كساب انا رأيى كزوجة ان بينهم عشرة وكان ممكن الموضوع يعدى ولكن فى النهاية كل واحد منهم من حقه ان ينجح لوحده ، وطالبت بانشاء شعبة الراب الشعبية بنقابة الموسيقين، لأنه لا يوجد حاجة اسمها مهرجان، ومن الممكن ان نعتبره غناء شعبيا.

وأشارت إلى انها بتبص على موبايل زوجها كل شوية ولازم الراجل ما يتسابشى كل شوية مراقبة كده، و قالت لاوكا ما تردش على معجبات من البنات الصغار لان الموضوع مش جدى وبه امور مش حلوة .

وأكملت: أنا زمالكوية وجوزى اهلاوى واخواته اهلاوية وبنتخانق مع بعض وقت المباريات بس دلوقتى مش متعصبة وبكيت عندما هزم الزمالك من الاهلى 4-3 نهائى الكاس.