السيسي: "مهم أوي نحترم بعض.. والانضباط سلوك لن يتم إعداده بالعنف".. (فيديو)

أكد الرئيس عبد الفتاح السيسي، أن الانضباط لم يكن سلوكا يتم إعداده وتجهيزه وزرعه في الإنسان بالإساءة أو بالعنف، وإنما من خلال برنامج طويل ينفذه الإنسان مع نفسه وبمساعدة الكلية.

قال الرئيس السيسي: "انت موجود في الكلية كلكم جايين بمستوى تقريبا واحد، لو خليت بالك من نفسك وجهزت نفسك من الأول بكل شيء هيبقى شكلك ومضمونك كمرشح ظابط هتلاقي نفسك في نهاية المدة المقررة ليك مستواك حاجة مقدرة ومحترمة، فابذل جهد واهتم انت معندكش غير انك تركز في اللي بتعمله ده اللي بيخص الاعداد والتأهيل".

وتابع قائلا: "مهم اوي نحترم بعض ونخلي بالنا من كل لفظ نطلعه، مفيش اساءة، الانضباط مش سلوك بيتم اعداده وتجهيزه وزرعه في الانسان بالاساءة او بالعنف ابدا ده برنامج طويل جدا للانسان مع نفسه والكلية معاكم".

وفي النهاية تمنى الرئيس السيسي التوفيق للدفعة الجديد، مؤكدا على ضرورة الالتزام بالإجراءات الاحترازية أثناء اللقاء مع الأهالي حتى تظل النسبة المسجلة من الإصابات بكورونا داخل الكلية صفر.