لاعب عنده ٣١ سنة، قليل الكلام، مابيعرفش يصطنع المشاكل زي ناس!
بقاله ١١ سنة بيلعب دوري ممتاز من بتروجت للإسماعيلي للأهلي.. منتخب مصر الناشئين والشباب والأولمبي والأول.. لاعب حظه سيئ جدًا من أول إصابته بفيروس سي في ٢٠١٢ وظهور الأعراض في أولمبياد لندن مرورًا باصابته بمشاكل في مفصل الحوض في ٢٠١٦ بعد ما كان تاني هدافي الدوري وهداف الاسماعيلي في ٢٠١٥ وإصابته بقطع كلي في الرباط الصليبي والغضروف في بطولة افريقيا ٢٠١٧ ويغيب سنة كاملة عن الملاعب وبعدها يرجع في ٢٠١٨ وإصابته بكسر في الوجه في ٢٠١٩!
مروان مش أحسن مهاجم جه في تاريخ مصر وممكن مايكونش من احسن ١٠ مهاجمين، بس اللي شافه ممكن يقضي على لعيبة كتير!
رجاء لكل الناس الظريفة اللي راكبة الترند دلوقتي، لو مروان محسن جاله اكتئاب (لا قدر الله)، لا تدّعي الفضيلة وتركب الترند التاني وتعلن تضامنك معاه زي ما انت راكب ترند مؤمن زكريا دلوقتي!
السوشيال ميديا ممكن تقتل أي حد بالكلام!
مروان لعيب مجتهد ومحتاج للدعم لشخصه
#أدعم_مروان_محسن
#كلنا_في_ضهرك_يا_مروان