شيكو: انتظروا الجزء الثالث من مسلسل "اللعبة"
قال الفنان شيكو إن تريند أفكاره مكون من الشغل والأكل والعربيات، وبحاول أنقل من بيتي وبقالي ٣ سنين بشطب، لأن فى حاجة جوايا مش عاوزاني أنقل من عند أهلي.
وتابع شيكو خلال حلوله ضيفا مع الاعلامي شريف الليثي ببرنامج " حوار اون لاين" ويذاع في الساعة ٥:١٠ قبل الافطار يوميا باذاعة الشرق الاوسط ، ان اكتر ممثل بيضحكه الفنان فؤاد المهندس و الفنان سمير غانم ، و من زملائه احمد مكى و هشام ماجد و محمد سعد و قعدتنا مع بعض بتبقى كلها ضحك ، و تعليقات الجمهور على السوشيال ميديا اصبحت تمثل تحدى لينا كممثلين كوميديا لانها بتضحك جداً ، و عبقرية لان انت ممكن تعمل تعليق على صورة بكلمة واحدة على صورة فى السوشيال ميديا و تنتشر فى مصر كلها و تضحك الناس .
و تابع شيكو ان وش الغضب بتاعى مفيش ايمودج من اللى موجودة تعبر عنه لانى طيب جدا لحد ما اتنرفز ، و انا بكره الغباء فى كل حاجة و ده اللى بينرفزنى ، و انا بتخانق كتير فى الشارع بسبب غباء فى قيادة السيارات ، يعنى مثلا بكره ظاهرة دلوقتى الناس اللى بتحب تسبق متر فى الاشارة .
و اشار شيكو انه من المواقف التي لا ينساها فى ٢٠٠٦ كان هشام و فهمى بيعملوا مسلسل صغير مع محمد حفظى و انا كنت رافض التمثيل و كنت شغال مهندس ، و فاكر القعدة اللى قعدوها معايا يقنعونى انى امثل ، كانت لحظة فارقة فى حياتى .
و اكد شيكو ان باسورد اسراره مع اصحابه و هناك جزء فى حياته مش بيحكيه لحد ، و اكتر مكان بحبه لوكيشن التصوير لدرجة انى بروح اللوكيشين و انا معنديش تصوير .
و اشار شيكو انه بيصور حاليا فيلم ، و هيصور الجزء الثالث من مسلسل اللعبة والذي حقق نجاح كبير ، و ردود فعل العائلات و ازاى المسلسل اطفالهم بيحبوه هو اللى شجعنا نعمل الجزء الثانى و الثالث .
يذاع برنامج " حوار اون لاين" في الساعة ٥:١٠ قبل الافطار يوميا باذاعة الشرق الاوسط ويعاد في الساعة العاشرة صباح اليوم التالي.