“ست mind”.. في كتاب جديد لندى ترك لتطوير الذات للسيدات بدار كيان

صدر حديثًا عن دار كيان للنشر والتوزيع كتاب "ست mikd" للكاتبة ندى ترك، وذلك بالتزامن مع معرض القاهرة الدولي للكتاب في دورته الـ52 والتي حددتها هيئة الكتاب في الفترة من 30 يونيو وحتى الـ15 من يوليو المقبل.

أما عن كتاب "ست mind"، فقد صدرته الدار بـ" الحياة بتعدي علينا زي الهوا، سنين العمر بتفوت بين الحزن والخوف والقلق والمشاكل، بنكرر نفس الأخطاء ونقع في نفس دايرة العلاقات المؤذية..

بندور علي الناس اللي تتعبنا وتوجعنا.. ونلزق فيهم ونديهم مفاتيحنا يبيعوا ويشتروا فينا ويطفونا ويسرقوا عمرنا، ونقنع نفسنا اننا ماتقدرش نعيش منغيرهم، عشان نكسر الدايرة دي ونخرج منها عايزين أفكار جديدة مافكرناش فيها قبل كدة، وأفعال جريئة ماعملنهاش قبل كدة، عايزين نغير الست mind بتاعتنا عشان نلعبها صح ونفرض احنا قوانينا، كتاب “ستMind” لكل ست عايزة تعمل Restart وتبتدي حياتها من أول وجديد.

وجاء على ظهر الغلاف" «الوعي» هو كلمة السر... هو مفتاح الكنز.. هو الحاجـة الوحيـدة اللي مهـما زادت عمرهـا مـا بتقـل أو ترجـع زي مـا كانـت.. هنساعدك توصلي للوعي الكامل وماترجعيش منه تاني ... يعني أنتِ دلوقتي في طريــق اللي يروح ما يرجعـش.. الإدراك والمشـاعر والعلاقـات بالآخريـن هيقعـوا بالكامل تحت سـيطرتك.. من الآخر هتعرفي How To Change Your Mindset.. لذا فإن الكاتب ودار النشر غــير مسؤولين عن التغيرات التي سـتنتج كرد فعل طبيعي لقراءة هـذا الكتاب.. ولهذا وجب التنويه والتحذير.

أما عن ندي ترك فهي كاتبة مصرية، تخرجت في كلية الهندسة قسم العمارة، لايف كوتش وأخصائي صحة نفسية معتمد، قدمت العديد من ورش عمل جماعية ودورات تدريب فردية بهدف رفع الوعي الذاتي والدعم النفسي للمرأة وإدارة العلاقات، قامت بنشر أول كتاب لها بعنوان "تعويذة شفتشي" عام ٢٠١٨.