علا غانم تكشف سنها الحقيقية ولميس الحديدي: دي جرأة منك!

“هعمل عيد ميلادي لأول مرة في نوفمبر عشان سن الخمسين مهم جدًا في عمر الإنسان بعد الإنجاز والشغل”.

أجابت الفنانة علا غانم عن سؤال الإعلامية لميس الحديدي حول خطتها لأخذ استراحة طويلة بعد تخرج بناتها في الجامعة على عكس  ما يجري أن تكون الاجازة في صغر الأبناء لرعايتهم قائلة: "عشان أنا كنت بابي ومامي، في نفس الوقت بعد انفصالي عن زوجي الأول؛ حيث جرى الانفصال في البداية دون طلاق، حتى تكون فرصة لي لإمكانية العدول عن قرار الانفصال، خاصة أن الزوج الأول كان مصرًا على عدم الطلاق، وأن أراجع نفسي”.

أضافت: "مارجعتش نفسي وفضلت مصرة على رأيي، وبدأت علاقتنا تتحول لصداقة حتى يكون بوسعنا التعاون في تربية البنات".

وكشفت في لقاء خلال برنامج "كلمة أخيرة"، الذي تقدمه الإعلامية لميس الحديدي على شاشة "ON"، أن سبب زواجها المبكر في سن 17.5 يعود للعادة وقتها، وما وصفته بـ"موضة الزواج المبكر"، لتقاطعها الحديدي قائلة: “بس إنت مش قديمة أوي كده، إنت صغيرة برضه، لتفاجئها غانم معلنة عن عمرها الحقيقي”، قائلة: "أنا خلاص هكمل 50 سنة آخر نوفمبر المقبل"، لترد الحديدي قائلة: “جرأة برضه إنك تقولي السن كده!”.

لتعود غانم وترد  قائلة: "أنا مبسوطة وسعيدة وعاوزة أنبسط   بحياتي، والناس تقول شوفوا الست اللي عندها "50 سنة"، شكلها عامل إزاي! أيًا كان الشكل إيه، حلو أو وحش، عاوزة أستمتع بسني، عاوزة أفرح في كل مراحل حياتي، وأعمل عيد ميلاد".

 وأكملت: "معملتش عيد ميلاد قبل كده، لكن هعمله السنة دي، لأن سن الخمسين مهم جدًا، والناس هنا في أمريكا بتحتفل بعيد الميلاد مرتين في سن 16 وسن 50، وده سن مهم بالنسبة لي عشان البنات بنسبة كبيرة بتكون اتجوزت وده سن يعني الإنجازات والعمل، وبعدها تبقى فترة تقييم هل اللي عملته صح؟! أو كنت راضية عن حياتي، هل لعبتها صح، ولا كنت غبية!".

وكشفت أنها في بعض الأحيان كانت تشعر أنها تأخرت في فكرة البقاء مع بناتها قائلة: "في ساعات كنت بحس إني غلط، وإني تأخرت في قرار الابتعاد، كنت عاوزة أقعد مع البنات قبل زواجهم كانوا بيكبروا قدامي وبيتخرجوا ويتجوزوا”.