مي حلمي: تامر شلتوت عاوز يبقى تريند

شنت مي حلمي هجوما لاذعا على الفنان تامر شلتوت، بعدما نشر صورة له برفقتها وأثار جدلا حول علاقة تجمعهما، ثم تأخره في توضيح سبب التقاط الصورة.

وقالت مي حلمي على ستوري إنستجرام: "كل واحد عاوز يركب التريند ومبياخدش باله من أذيته لغيره.. بحب زمايلي وبحترمهم جدا لكن مش طبيعي بعد إعلاني ارتباطي بيومين تيجي تتصور معايا في الطيارة بالصدفة وتحط قلب على الصورة وتسيب عنصر التشويق للجمهور مفيش إحساس بالغير؟".

وأضافت: "كان ممكن زي ما وضحت للناس بعد سبع ساعات كنت تكتب صدفة حلوة زميلتي مي، أوقع أنا بحب الكل ومبحبش أشوف الناس وحشة".

وتابعت: "ماكانتش مستاهلة القصة عشان حبة أخبار مالهمش لازمة غير أنهم يضروني في نفسيتي مش أكتر وقت فرحتي، معرفش كان المفروض اتصرف ازاي كنت أرفض الصورة".

وأكملت: "إلى عيلتي العزيزة المحبة مانزلتش أخبار من عندي ماتصدقوش غيري وأرجوكم احترموا قراري في إني أعمل بيت وعيلة في هدوء دون زحام البشر".

ونشر تامر شلتوت صورة له مع مي حلمي أحدثت ضجة على السوشيال ميديا وعلق عليها بوضع إيموجي "قلب"، ثم انتظر لساعات حتى يرد موضحا أنه لا يوجد شيء بينه وبين مي حلمي: "للتوضيح.. أنا مسافر لشغل في شرم الشيخ وقابلت (الزميلة) مي صدفة في الطيارة.. بس كده".