تفاصيل سرقة زكي فطين عبد الوهاب
أعلن الممثل زكي فطين عبد الوهاب عن تعرضه لواقعة سرقة أثناء سيره في الشارع.
وقال زكي فطين عبد الوهاب عبر حسابه على فيس بوك: "النهارده أنا اتعرضت لعملية سرقة فى الشارع حوالى الساعة ٣.. روحت أشحن كارت عداد الكهربا".
وتابع: "كنت تعبان فقررت أخد تاكسى للبيت.. ماكنتش قادر أمشى.. وقبل ماوقف التاكسى.. كنت شايل الحاجات فى كيس بلاستيك.. الحاجة وقعت على الأرض.. اتلموا عليا تلاته أربعة .. واحد منهم قالى ماتوطيش يا فنان إحنا هنجيبها وبدأوا في لم الحاجات".
وأضاف زكي فطين عبد الوهاب: "مجرد ثوانٍ.. رجعت البيت.. أبص في الكيس مالاقيش المحفظة.. والاقي الكيس مفتوح من الجنب بموس أو كاتر".
وأكمل: "عملية سرقة في منتهى الذكاء.. الحمد لله الورق كان في جيب القميص.. اخدوا المحفظة بالفلوس وبس".